‘खुपते तिथे गुप्ते’ शोच्या प्रोमोमध्ये राज ठाकरेंची टोलेबाजी,अजित पवार स्वत:च्या मुलाला निवडून आणू शकले नाहीत

मुंबई २४ मे २०२३: ‘खुपते तिथे गुप्ते’ या बहुचर्चित शो मधिल राज ठाकरेंच्या मुलाखतीचा प्रोमो व्हिडिओ नुकताच प्रदर्शित झाला असून त्यात राज ठाकरे जोरदार टोलेबाजी करताना दिसले. अजित पवार स्वःतच्या मुलाला निवडून आणू शकले नसल्याचा टोला राज यांनी त्यांच्या खास शैलीत सूत्रसंचालक अवधूत गुप्तेंच्या एका प्रश्नावर लगावला. या शोचे काही प्रोमो व्हिडीओह प्रदर्शित करण्यात आले आहेत. ‘खुपते तिथे गुप्ते’चा हा नवा प्रोमो व्हिडीओ सध्या चर्चेत आहे. येत्या ४ जूनपासून दर रविवारी रात्री ९ वाजता हा शो प्रेक्षकांच्या भेटीला येणार आहे.

‘खुपते तिथे गुप्ते’ दुसरा सीझन लवकरच प्रेक्षकांच्या भेटीला येणार आहे. साहाजिकच अवधूत गुप्ते या शोचे सूत्रसंचालन करणार असून शोमध्ये कलाकारांसह राजकीय नेतेही हजेरी लावणार आहेत. राज ठाकरेंनंतर या शोमध्ये मुख्यमंत्री एकनाथ शिंदेही सहभागी होणार आहेत. या शोच्या दुसऱ्या सीझनमधील एक नवा प्रोमो व्हिडीओ नुकताच प्रदर्शित करण्यात आला. झी मराठीच्या ऑफिशिअल सोशल मीडिया अकाऊंटवरुन हा व्हिडीओ शेअर करण्यात आला आहे. यात राज ठाकरे हे राष्ट्रवादी काँग्रेसचे नेते अजित पवार यांना टोला लगावताना दिसत आहेत.

अजित पवारांवर राज ठाकरे बोलले कारण, ‘खुपते तिथे गुप्ते’मध्ये राज ठाकरेंना अजित पवारांचा एक व्हिडीओ दाखवण्यात आला होता. यामध्ये अजित पवारांचे म्हणणे होते की, निवडणुकीत राज ठाकरेंनी एकवेळ १४ आमदार निवडून आणले. त्यानंतर सर्व लोक त्यांच्यापासून दूरावले. यावर राज ठाकरेंनी अजित पवारांची मिमिक्री करत ‘ए गप रे…असे मी म्हणणार होतो’, अशी प्रतिक्रिया दिली. तसेच काकांनी डोक्यावरचा हात बाजूला केला, तर यांचे काय होईल असा टोलाही लगावला आहे.

न्युज अनकट प्रतिनिधी- गुरुराज पोरे.