‘बेलबॉटम’ मध्ये दिसणार अक्षय कुमार आणि वाणी कपूर यांची जोडी

मुंबई, दि. २ जुलै २०२०: ‘वॉर’ चित्रपटानंतर वाणी कपूर लवकरच ‘बेलबॉटम’ चित्रपटात दिसणार आहे. यामध्ये ती अक्षय कुमारसोबत आपल्याला पडद्यावर दिसेल . वाणी कपूर आतापर्यंत यशराज बॅनरचे चित्रपट करत होती. या बॅनरच्या बाहेर ती प्रथमच चित्रपट करणार आहे. रणजित एम तिवारी दिग्दर्शित जॅकी भगनानी आणि वासू भगानी यांनी बनवलेला हा चित्रपट आहे. या चित्रपटाची कथा ही ८० च्या दशकातील आहे. या प्रोजेक्टमध्ये अक्षयसोबत वाणीची ही पहिलीच ऑनस्क्रीन जोडी आहे.

जॅकी भगनानी यांनी याची पुष्टी केली आणि म्हणाले की, ‘वाणीचे कार्य बुद्धिमत्ता आणि प्रभाव यात दिसून येतो. मला तिच्यात असलेली अभिनयाची आवड दिसत आगे. आम्हाला आमच्या चित्रपटात अशीच फीमेल लीड हवी होती, जी अक्षय सरांच्या स्क्रीन वरील व्यक्तिरेखेशी जुळेल. वाणीची भूमिकाही खूप दमदार आहे. माझा विश्वास आहे. वाणी त्यास न्याय देण्यास सक्षम असेल. ‘

अक्षय-वाणीची जोडी पहिल्यांदा दिसणार

अक्षय कुमारसोबत पहिल्यांदा स्क्रीन सामायिक केल्याबद्दल वाणी कपूर उत्साहित आहे. याबद्दल बोलताना अभिनेत्री वाणी कपूर म्हणाली, ‘मलाही अशा चित्रपटाचा भाग होण्यासाठी खूप आनंद झाला आहे.”

न्यूज अनकट प्रतिनिधी