‘अनन्या’ आता येणार रुपेरी पडद्यावर

मुंबई : ड्रीमविव्हर एंटरटेन्मेंट आणि रवी जाधव फिल्म्सच्या ध्रुव दास आणि प्रसिद्ध लेखक दिग्दर्शक रवी जाधव यांनी चित्रपटाच्या निर्मितीत होत असलेला “अनन्या” चित्रपट प्रेक्षकांच्या भेटीला येत आहे.
या चित्रपटाचे लेखन आणि दिगदर्शन प्रताप फड यांनी केले आहे. चित्रपटाचं टीजर पोस्टर नुकतंच सोशल मीडियाद्वारे लाँच करण्यात आलं आहे. तर स्वरूप स्टुडिओजचे आकाश पेंढारकर, सचिन नारकर आणि विकास पवार हे या चित्रपटाचे प्रस्तुतकर्ते आहेत. मराठी रंगभूमीवर प्रेक्षकांची भरभरून दाद मिळवल्यानंतर अनन्या ही प्रेरणादायी कथा आता रुपेरी पडद्यावर येण्यासाठी सज्ज आहे. त्यामुळे या चित्रपटाकडे लक्ष लागले आहे.

‘अनन्या’ या नाटकात ऋतुजा बागवेने मुख्य भूमिका साकारली होती. नाटकातील तिच्या भूमिकेतील रसिकांनी भरभरून पसंती दिली होती. ऋतुजा बागवेने यासंदर्भात सोशल मीडियावर पोस्ट देखील केली आहे. यामध्ये तिने ‘अनन्या’ बद्दलची आपली भावना व्यक्त केली आहे.
मात्र सिनेमासाठी अनन्याची भूमिका साकारण्यासाठी अभिनेत्री हृता दुर्गुळेची निवड करण्यात आली. छोट्या पडद्यावर ‘फुलपाखरू’ मालिकेतील प्रेक्षकांच मन जिंकल्यानंतर आता हृता दुर्गुळे आता मोठ्या पडद्यावर झळकणार आहे.