मुंबई, २२ सप्टेंबर २०२३ : महिला आरक्षणाच्या मुद्द्यावरून देशातील राजकारण तापले असले तरी दोन्ही सभागृहात महिला आरक्षण विधेयक मंजूर झाल्यानंतर राजकीय वातावरण थोडे शांत झाले. दरम्यान, महाराष्ट्रात राजकीय पेच वाढला आहे. शिंदे यांच्यासह १६ आमदारांच्या पात्रतेवर सर्वोच्च न्यायालयाने फटकारल्यानंतर विधानसभा अध्यक्ष राहुल नार्वेकर यांनी घाईघाईत कोणताही चुकीचा निर्णय घ्यायचा नाही, असे वक्तव्य केले. मात्र, आता अनिल परब यांनी राहुल नार्वेकर यांच्यावर भाष्य केले.
सुप्रीम कोर्टाने या प्रकरणी विधानसभा अध्यक्षांकडून उत्तर मागितले आणि सुनावणीसाठी कालमर्यादा निश्चित करण्याचे आदेशही दिले आहेत. कारण सर्वोच्च न्यायालयाचे मत आहे की, हे प्रकरण जास्त काळ लांबणीवर टाकता येणार नाही. या प्रकरणी उद्धव ठाकरेंच्या शिवसेनेने हे प्रकरण जाणूनबुजून लांबवले जात असल्याचा आरोप करत सर्वोच्च न्यायालयात याचिका दाखल केली होती.
सर्वोच्च न्यायालयाच्या टिप्पणी मुळे राज्यात या मुद्दयावरून खळबळ उडाली आहे. आता उद्धव ठाकरे गटनेते अनिल परब यांनी शिंदेंच्या शिवसेनेवर निशाणा साधला. पत्रकार परिषदेत ते म्हणाले की, या प्रकरणात विधानसभेचे १६ आमदार अपात्र ठरतील, असा आम्हाला विश्वास आहे आणि वरच्या सभागृहातील तीन सदस्यही अपात्र ठरतील.
न्यूज अनकट प्रतिनिधी : सूरज गायकवाड
