नवी दिल्ली, २३ एप्रिल २०२१: रिझर्व्ह बँकेने भाग्योदय फ्रेंड्स अर्बन को-ऑपरेटिव्ह बँक लिमिटेडचा परवाना रद्द केला आहे, कारण त्यात भांडवल आणि कमाईची क्षमता नाही. आरबीआयने सांगितले की बँक आवश्यकतांचे पालन करण्यात अपयशी ठरली आहे आणि बँकेचा निरंतरता त्याच्या ठेवीदारांच्या हितासाठी प्रतिकूल आहे.
हे लक्षात घेण्यासारखे आहे की लिक्विडेशन झाल्यास प्रत्येक ठेवीदारास ठेवी विम्याच्या दाव्यांतर्गत ५-५ लाखांपर्यंतचा परतावा मिळू शकतो. हे डीआयसीजीसी कायदा १९५१ च्या तरतुदीखाली आहे. डीआयसीजीसी ही रिझर्व्ह बँक ऑफ इंडियाची मालकीची एक उपकंपनी आहे जी बँक ठेवींवर विमा संरक्षण पुरवते. ५ लाखांच्या ठेवी विम्याच्या तरतुदीनुसार बँक दिवाळखोरीत गेली किंवा तिचा परवाना रद्द झाला तर किती रक्कम बँकेत जमा केली गेली आहे याची पर्वा न करता ठेवीदारास ५ लाखांपर्यंतची रक्कम जमा केली जाते.
आरबीआयने म्हटले आहे की, बँकेने शेअर केलेल्या आकडेवारीनुसार ते ९८ टक्के ठेवीदारांना पूर्णतः परतावा देण्यास सक्षम आहेत. भाग्योदय फ्रेंड्स अर्बन को-ऑपरेटिव्ह बँक लिमिटेडच्या बँकिंग व्यवसायावर २३ एप्रिलपासून बंदी घालण्यात आली आहे. आम्ही परवाना रद्द करण्याचा निर्णय घेतलाय, कारण बँकेकडे भांडवल नसल्याने आणि बँकिंग नियमन कायदा १९४९ मधील अनेक तरतुदी पूर्ण करू शकत नाही, असंही रिझर्व्ह बँकेने म्हटलेय.
न्यूज अनकट प्रतिनिधी: ईश्वर वाघमारे
