पुणे, 2 ऑक्टोंबर 2021: देशातील सर्वात मोठी हॉटेल चेन चालवणारी ओयो ही स्टार्टअप कंपनी आपला आयपीओ आणणार आहे. कंपनीने डीआरएचपीला बाजार नियामक सेबीकडं मंजुरीसाठी पाठवलं आहे. त्याच्याशी संबंधित संपूर्ण माहिती आपण येथे जाणून घेऊया.
सेबीला कंपनीने पाठवलेल्या DRHP नुसार, हा IPO 8,430 कोटी रुपयांचा असेल. यामध्ये कंपनी 7,000 कोटी रुपयांचे नवीन शेअर्स जारी करेल. तर 1,430 कोटी रुपयांचे शेअर्स ऑफर फॉर सेल (OFS) मध्ये ठेवले जातील.
ओयो मधील सर्वात मोठा गुंतवणूकदार जपानची टेक इन्व्हेस्टमेंट कंपनी सॉफ्टबँक आहे. कंपनी आपल्या कंपनीचे ओयो मध्ये कोटी रुपयांचे शेअर्स विकेल. सॉफ्टबँक ए 1 होल्डिंग्ज इंक, चायना लॉजिंग आणि ग्लोबल आयव्हीवाय व्हेंचर्स यांच्या संयुक्त विद्यमानं कंपनीतील 46% हिस्सा विकण्याची शक्यता आहे.
ओयोचे संस्थापक रितेश अग्रवाल कंपनीतील आपला हिस्सा विकणार नाहीत. त्याच्यासोबत इतर गुंतवणूकदार Lightspeed Venture Partners, Sequoia Capital, Star Virtue Investment Limited (Didi), Greenoaks Capital, AirBnB, HT Media आणि Microsoft हे त्याचे मालक राहतील.
ओयोच्या आयपीओचे मुख्य व्यवस्थापक कोटक महिंद्रा कॅपिटल कंपनी, जेपी मॉर्गन इंडिया प्रायव्हेट लिमिटेड आणि सिटीग्रुप ग्लोबल मार्केट्स इंडिया प्रा. लि. चा असेल.
जेव्हाही एखादी कंपनी आपला आयपीओ आणते, तेव्हा ती डीआरएचपी अर्थात ड्राफ्ट रेड हेरिंग प्रॉस्पेक्टस सेबीकडून मंजुरी मिळवण्यासाठी सादर करते. एक प्रकारे, कंपनीच्या आगामी आयपीओचे हे संपूर्ण खाते आहे, जे सांगते की कंपनी आयपीओमधून किती पैसे उभारेल आणि ती काय वापरेल. कोणत्याही कंपनीला देशातील आयपीओसाठी सेबीची मान्यता घेणं बंधनकारक आहे.
न्यूज अनकट प्रतिनिधी: ईश्वर वाघमारे
