बाबा रामदेव यांची मोठी घोषणा, लॉन्च होणार ५ कंपन्यांचे IPO…

नवी दिल्ली, १२ सप्टेंबर २०२२: योगगुरू बाबा रामदेव यांच्या पाच कंपन्यांचे आयपीओ लॉन्च होणार आहेत. बाबा रामदेव यांच्या नेतृत्वाखालील पतंजली फूड्सचे शेअर्स त्यांच्या गुंतवणूकदारांना मोठा नफा मिळवून देत आहेत. आता बाबा रामदेव म्हणाले की पतंजली ब्रँडच्या इतर कंपन्यांचे आयपीओ लवकरच लॉन्च केले जातील. मीडिया रिपोर्ट्सनुसार, ज्या कंपन्यांचा IPO येणार आहे त्यामध्ये पतंजली आयुर्वेद, पतंजली वेलनेस आणि पतंजली मेडिसिन याशिवाय पतंजली लाइफस्टाइलचा समावेश आहे. पुढील पाच वर्षांत या कंपन्या शेअर बाजारात सूचिबद्ध होतील.

या वर्षी बदलले नाव

बाबा रामदेव यांच्या नेतृत्वाखालील पतंजली आयुर्वेदने रिझोल्यूशन प्रक्रियेअंतर्गत रुची सोया २०१९ मध्ये ४,३५० कोटी रुपयांना विकत घेतली होती. ही कंपनी आधीच शेअर बाजारात लिस्ट झाली होती. यावर्षी कंपनीचे नाव रुची सोया वरून बदलून पतंजली फूड्स करण्यात आले. पतंजली फूड्सच्या स्टॉकची किंमत आठवड्यातून दर आठवड्याला वाढत आहे.

पतंजली फूड्सच्या शेअरची किंमत

पतंजली फूड्सचा स्टॉक मार्केटमध्ये चांगली कामगिरी करत आहे. गेल्या एका महिन्यात शेअर्सच्या किमतीत १२.८९ टक्क्यांनी वाढ झाली आहे. त्याचप्रमाणे, गेल्या सहा महिन्यांत त्याची किंमत पहा, त्यात ५३.६६ टक्के वाढ झाली आहे. दोन वर्षांत १०५ टक्के परतावा दिला आहे. आता गेल्या पाच वर्षांतील यातून मिळणारा परतावा पाहता पतंजली फूड्सच्या समभागांनी त्यांच्या गुंतवणूकदारांना ५,४०० टक्क्यांहून अधिक परतावा दिला आहे.

शुक्रवारी, या आठवड्याच्या शेवटच्या ट्रेडिंगच्या दिवशी, पतंजली फूड्सचे शेअर्स ०.३८ टक्क्यांनी वाढून १,३८० वर पोहोचले. सध्या पतंजली फूड्सचे मार्केट कॅप (Mcap) सुमारे ५०,००० कोटी रुपये आहे. सप्टेंबर २०१७ मध्ये कंपनीच्या शेअरची किंमत सुमारे २६ रुपये होती.

सप्टेंबर २०२० पर्यंतच्या तीन वर्षांत या शेअरची किंमत ६१३ रुपयांपर्यंत वाढली आहे. त्याच वेळी, शुक्रवारी, त्याच्या शेअर ने १,३९८ हा ५२ आठवड्यांचा उच्चांक गाठला. पतंजली फूड्स ही खाद्यतेलाचे उत्पादन करणारी देशातील आघाडीची कंपनी आहे.

तज्ञांचा अंदाज

बाबा रामदेव यांच्या कंपनीच्या शेअर्समध्ये झालेली वाढ पाहून रिसर्च फर्म्सही या शेअर्स च्या खरेदीला फायदेशीर करार सांगत आहेत. पतंजली फूड्सला BUY रेटिंग देत देशांतर्गत संशोधन संस्था Antique ने त्यांच्या शेअर्ससाठी प्रति शेअर रु. १७२५ चे लक्ष्य ठेवले आहे.

न्यूज अनकट प्रतिनिधी: ईश्वर वाघमारे