बारामती तालुक्यातील गोजुबावी मध्ये आढळला कोरोना सदृश्य रुग्ण

बारामती, दि. २४ जून २०२० : बारामती तालुक्यातील गोजुबावी येथील एका रुग्णाची आज ( दि २४) बुधवार कोरोना चाचणी पॉझिटिव्ह आली आहे. ही व्यक्ती दौंड तालुक्यातील गोजुबावी येथे शनिवारी आली होती.

गोजुबावी या गावाची महसुल सीमा गृहीत धरुन गावातील अत्यावश्यक सेवा वगळता सर्व व्यवहार बंद ठेवण्यात आले आहेत. गोजुबावी गावाला प्रतिबंधित क्षेत्र म्हणून घोषित केले आहे. वाहतुकीस बंदी घालण्यात आली आहे. कोरोना सदृश्य व्यक्ती ज्यांच्या संपर्कात आली असेल त्यांनी तात्काळ रुई हाॅस्पिटल बारामती येथे संपर्क साधून तपासणी करून घ्यावी.

तरी सर्व बारामती तालुक्यातील नागरिकांना विशेषता मौजे गोजुबावी गावातील नागरिकांना आवाहन करण्यात येत आहे की आपण आपल्या आरोग्याची काळजी घ्यावी लाॅकडॉऊन शिथिलतेचा गैरफायदा घेऊन कुठल्याही परिस्थितीमध्ये घराच्या बाहेर पडू नये. गर्दीच्या ठिकाणी जाऊ नये. अत्यावश्यक व गरजेच्या कामासाठी बाहेर पडताना मास्कचा वापर करणे, सामाजिक अंतर ठेवणे व सॅनिटाझरचा वापर करणे अत्यंत गरजेचे असून या मध्ये प्रशासनाला मदत करण्याचे आवाहन विभागीय प्रांत अधिकारी दादासो कांबळे यांनी केले आहे.

न्यूज अनकट प्रतिनिधी: अमोल यादव