भास्कर जाधव यांचा मेंदू नासका, नासक्या मेंदूतून नासकेच विचार बाहेर येतात, रामदास कदम यांची जहरी टीका

पुणे, २० सप्टेंबर २०२२ : शिवसेना आमदार भास्कर जाधव यांनी केलेल्या टिकेचा खरपूस समाचार घेत रामदास कदम यांनी उत्तर दिले आहे. भास्कर जाधवांचा मेंदू नासका आहे. त्यामुळे त्यांचे विचारही नासके आहेत. नासक्या मेंदूतून नासकेच विचार बाहेर येतात. अशी जहरी टीका रामदास कदम यांनी केली आहे.

ते म्हणाले, उद्धवजींची निष्ठेची भाषा काय आहे आम्हाला माहिती आहे. गद्दार जाधवांना उद्धव ठाकरे यांनी नेता केलं. उद्धवजींना खुश करण्यासाठी आपण रामदास कदम यांच्यावर टीका करू शकतो हे दाखवण्यासाठी भास्कर जाधव प्रयत्नात आहेत. त्याच्यामुळे ते माझ्यावर टीका करत आहेत असेही कदम म्हणाले. भास्कर जाधव यांची तुलना रामदास कदम यांनी भुंकणाऱ्या कुत्र्याशी केली आहे.

दोन दिवसांपूर्वी आदित्य ठाकरे यांच्या शिवसंवाद यात्रेमध्ये दापोली येथे झालेल्या कार्यक्रमात भास्कर जाधव यांनी रामदास कदम यांच्या वर टीका केली होती. यावेळी आपण मंत्री असताना रामदास कदम, हे पक्षामध्ये येण्यासाठी आपल्या पाय धरून रडत होते. अशी टीका जाधव यांनी केली होती. याला प्रत्युत्तर रामदास कदम यांनी दुसऱ्या दिवशी त्याच ठिकाणी मेळावा घेऊन भास्कर जाधव यांना नाच्या म्हणून संबोधले होते. यानंतर पुन्हा भास्कर जाधव यांनी कदम यांच्यावर टीका केली. आता या टीकेला रामदास कदम यांनीही जहरी टीका करत प्रत्युत्तर दिले आहे.

न्यूज अनकट प्रतिनिधी – अनिल खळदकर