‘कॅप्टन मिलर’ धनुषचा नवा लूक आला प्रेक्षकांसमोर

चेन्नई, २ जुलै २०२३ : ‘कॅप्टन मिलर’ ह्या आपल्या आगामी चित्रपटाच्या फर्स्ट लूकमध्ये धनुष हातात हेवी मशीन गन घेऊने मृतदेहांच्या ढिगाऱ्यात उभा आहे. त्याचवेळी मागुन लष्कराचे ट्रक जाताना दिसत आहेत. साऊथचा सुपरस्टार धनुषने त्याच्या पुढच्या चित्रपटाचे फर्स्ट लूक पोस्टर शेअर केलय. हे शेअर करत त्यानी लिहिले, ‘आदर म्हणजे स्वातंत्र्य’.

‘कॅप्टन मिलर’ हा चित्रपट तीन भागात बनवला जाणार आहे, याबाबतची माहिती चित्रपटाचे निर्माते जी.धनंजयन यांनी नुकतीच दिलीय. हा चित्रपट तीन भागात बनवला जात असल्याचा खुलासा धनंजयनने केला असुन निर्माते पुढच्या कथेवर सतत काम करत आहेत आणि ती दिवसेंदिवस मोठी होत आहे, असेही त्यांनी सांगितले.

या चित्रपटाचे दिग्दर्शन अरुण माथेश्वरन करत आहे. या पीरियड ॲक्शन चित्रपटात धनुष मुख्य भूमिकेत दिसणार आहे. ‘कॅप्टन मिलर’ मध्ये धनुष सोबत अभिनेत्री प्रियांका अरुल मोहन दिसणार आहे. धनुषच्या या चित्रपटाची चाहत्यांमध्ये प्रचंड उत्सुकता आहे.

सध्या धनुषकडे हिंदी चित्रपट ही आहेत, त्याचा पुढचा हिंदी चित्रपट ‘तेरे इश्क में’ हा असेल. त्याची अनाऊंसमेंट नुकतीच करण्यात आलीय. धनुष लवकरच आनंद एल राय यांच्या ‘तेरे इश्क में’ चित्रपटात दिसणार आहे. या चित्रपटाचाही टीझर आलाय, त्यामध्ये धनुष आपल्या हातात जळत्या काचेची बाटली घेऊन पळताना दिसत आहे. यापूर्वी दोघांनी ‘रांझना’ २०१३ आणि ‘अतरंगी रे’ २०२१ मध्ये एकत्र काम केलय, आनंद एल राय यांच्यासोबत एकत्र काम करण्याची धनुषची ही तिसरी वेळ आहे.

न्युज अनकट प्रतिनिधी : गुरुराज पोरे.