चमोली दुर्घटना: ३२ मृतदेह सापडले, १९७ लोक अजूनही बेपत्ता

चमोली, १० फेब्रुवरी २०२१: रविवारी उत्तराखंडच्या चमोली जिल्ह्यात हिमकडा कोसळण्याच्या घटनेत अनेकांना आपला जीव गमवावा लागला होता आणि बरेच लोक बेपत्ता आहेत. जिल्ह्यात अद्याप बचावकार्य सुरू आहे. ग्लेशियर फुटल्यानंतर अलकनंदाच्या पाण्याची पातळी वाढल्यानंतर राज्यात मोठ्या प्रमाणात विनाश होण्याचे दृश्य पाहायला मिळाले. या अपघातात ३२ जणांचे मृतदेह बाहेर काढण्यात आले असून १९७ लोक अद्याप बेपत्ता आहेत. तुटलेल्या हिमकड्यामुळे जीवित हानी बरोबरच मालमत्तेचे मोठे नुकसान केले आहे. एनटीपीसीच्या ४८० मेगावॅटचा तपोवन-विष्णुगड हायड्रो पॉवर प्रकल्प आणि चमोलीतील १३.२ मेगावॅटचा कृष्णगांगा प्रकल्पही मोठ्या प्रमाणात नुकसान ग्रस्त झाला आहे. हिमनगा फुटल्यामुळे अनेक घरे पूरात वाहून गेली.

६०० हून अधिक सुरक्षा कर्मचारी तैनात

या घटनेनंतर सैन्य, आयटीबीपी, एनडीआरएफ, एसडीआरएफचे ६०० हून अधिक जवान बचाव कार्यात गुंतले आहेत. हे जवान पूरग्रस्त आणि संपर्क तुटलेल्या गावातून अन्न, औषधे आणि इतर आवश्यक वस्तूंची वाहतूक करीत आहेत. राज्याचे मुख्यमंत्री त्रिवेंद्रसिंग रावत यांनी ट्वीट करून आयटीबीपी जवानांचे आभार मानले आहेत.

तपोवन-विष्णुगड प्रकल्प बोगद्यात २५-३५ लोक अडकले

भारतीय नौदलाचे जवानही बचाव कार्यात गुंतले आहेत. ताज्या माहितीनुसार एनटीपीसीच्या तपोवन-विष्णुगड प्रकल्पातील २.५ किमी लांबीच्या बोगद्यात २५-३५ लोक अडकले आहेत. या लोकांना बोगद्यातून बाहेर काढण्यासाठी बचावकार्य सुरू आहे. बोगद्यात पाण्याची पातळी सतत वाढत आहे. एका अधिकाऱ्याच्या म्हणण्यानुसार बोगद्यात अडकलेल्या लोकांशी विशेष मशीनद्वारे संपर्क साधण्याचा प्रयत्न केला जात आहे. अधिकाऱ्यांना आशा आहे की लोकांना सुरक्षित बोगद्यातून बाहेर काढले जाईल. परंतु, बोगद्यात अडकलेल्या लोकांशी अद्याप संपर्क होऊ शकला नाही.

मंगळवारी राज्यसभेत अमित शहा यांनी उत्तर दिले की आम्ही बोगद्यातून गाल व चिखल किती वेळेत काढू शकतो याचा अंदाज बांधणे कठीण आहे. तथापि, प्रकल्प अभियंत्यास आणखी काही मार्ग शोधण्यास सांगितले आहे.

न्यूज अनकट प्रतिनिधी: ईश्वर वाघमारे