Ind Vs Eng 2nd T20, 10 जुलै 2022: एजबॅस्टन येथे खेळल्या गेलेल्या दुसऱ्या टी-20 सामन्यात टीम इंडियाने जबरदस्त विजय मिळवत टी-20 मालिका जिंकली आहे. भारताने इंग्लंडला 170 धावांचे लक्ष्य दिले होते, मात्र भारताच्या भक्कम गोलंदाजीसमोर इंग्लिश फलंदाज खेळू शकले नाहीत आणि भारताने हा सामना 49 धावांच्या मोठ्या फरकाने जिंकला.
टीम इंडियाची फलंदाजी संपली तेव्हा 170 धावा कमी पडू नयेत असे वाटत होते, पण भारतीय संघाच्या गोलंदाजीने असा चमत्कार केला की इंग्लंड कुठेही टिकू शकले नाही. इंग्लंडचा संघ अवघ्या 121 धावांवर ऑलआऊट झाला.
भारताचा स्कोअर- 170/8 (20)
इंग्लंडचा स्कोअर – 121/10 (17)
विशेष बाब म्हणजे एजबॅस्टनमध्येच टीम इंडियाला टेस्ट मॅचमध्ये पराभवाचा सामना करावा लागला होता आणि आता एजबॅस्टनमध्येच टी-20 सीरीज जिंकली आहे.
गोलंदाजांची दमदार कामगिरी
भुवनेश्वर कुमार टीम इंडियाकडून गोलंदाजीत सर्वात मोठा हिरो ठरला, त्याने तीन बळी घेतले. भुवीने पुन्हा एकदा अप्रतिम स्विंग दाखवली आणि सुरुवातीला दोन्ही सलामीवीर लवकर पॅव्हेलियनमध्ये परतले. भुवनेश्वरने आपल्या स्पेलमध्ये फक्त 15 धावा दिल्या. यासाठी भुवीला प्लेअर ऑफ द मॅचचा पुरस्कार मिळाला.
रवींद्र जडेजाने टीम इंडियाची लाज वाचवली
या सामन्यातही टीम इंडियाने प्रथम फलंदाजी करत झटपट सुरुवात केली. कर्णधार रोहित शर्मासोबत ऋषभ पंत ओपनिंगला आला आणि सगळ्यांना चकित केलं. दोघांमध्ये 49 धावांची भागीदारी झाली, ज्यामध्ये रोहित शर्माच्या झंझावाती 31 धावांचा समावेश होता. पहिल्यांदा सलामीला आलेल्या पंतने 26 धावा केल्या.
भुवीशिवाय जसप्रीत बुमराह आणि युझवेंद्र चहलने 2-2 विकेट घेतल्या. तर हार्दिक पंड्या आणि हर्षल पटेल यांनीही 1-1 विकेट घेतली. इंग्लंडकडून मोईन अलीने सर्वाधिक 35 धावा केल्या, शेवटी डेव्हिड विलीने 33 धावा केल्या पण कोणीही आपल्या संघाला विजय मिळवून देऊ शकले नाही.
संघात पुनरागमन करताना विराट कोहलीला केवळ एक धाव करता आली. त्यांच्याशिवाय सूर्यकुमार यादव (15), हार्दिक पांड्या (12) धावा करून फ्लॉप झाले. शेवटी टीम इंडियाची लाज वाचवली रवींद्र जडेजाने 29 चेंडूत 46 धावा करत टीम इंडियाची धावसंख्या 170 पर्यंत नेली.
इंग्लंडविरुद्ध सलग चौथी T20I मालिका जिंकली
2017- भारत 2-1 ने जिंकला (भारत)
2018- भारत 2-1 (इंग्लंड) जिंकला
2021- भारत 3-2 ने जिंकला (भारत)
2022 – भारत 2-0 ने आघाडीवर (इंग्लंड)
न्यूज अनकट प्रतिनिधी: ईश्वर वाघमारे
