अरुणाचल प्रदेशात सीमेजवळ चिनी सैन्य करत आहे बांधकाम, स्थानिक लोकांनी टिपली छायाचित्रे

नवी दिल्ली, २७ ऑगस्ट २०२२: अरुणाचल प्रदेशातील सीमेजवळ चिनी सैन्याच्या बांधकाम हालचाली कॅमेऱ्यात कैद झाल्या आहेत. अंजाव जिल्ह्यातील स्थानिक लोकांनी बांधकामात वापरल्या जाणाऱ्या अवजड यंत्रांचे व्हिडिओ बनवले आहेत. छगलगाममधील हदिगरा-डेल्टा ६ जवळ चिनी सैन्य हे बांधकाम चालवत आहे.

छगलगामबाबत सूत्रांनी सांगितले की, सामान्य माणसाला येथे पोहोचण्यासाठी सुमारे ४ दिवस लागतात. चगलम हे भारत-चीन सीमेजवळ (वास्तविक नियंत्रण रेषा) LAC जवळील भारताचे शेवटची प्रशासकीय चौकी आहे.

११ ऑगस्ट रोजी बांधकाम कामांचा हा व्हिडिओ रेकॉर्ड करण्यात आला होता. स्थानिक लोकांनी ही माहिती दिली. बीजिंगच्या या कथित अतिक्रमणावर त्यांनी तीव्र चिंता व्यक्त केली आहे.

भारत-चीन सीमेजवळ असलेल्या शि योमी जिल्ह्यातील स्थानिक रहिवाशाचे म्हणणे आहे की, एलएसीजवळ चीनच्या वाढत्या बांधकाम क्रियाकलाप हा चिंतेचा विषय आहे.

स्थानिक रहिवाशांनी सांगितले की, भारतीय लष्कर आता आंतरराष्ट्रीय सीमेजवळ कोणालाही परवानगी देत नाही. मात्र, भारताच्या बाजूने उभारण्यात आलेल्या पायाभूत सुविधा कमकुवत असल्याचेही ते म्हणाले. पूर्वी सियांग जिल्ह्यातील मेनचुका ते आलो टाउनला जोडणारा रस्ता होता, पण हीसुद्धा एक दशक जुनी गोष्ट आहे.

बॉर्डर रोड ऑर्गनायझेशन येथे अतिशय संथ गतीने काम करत असल्याचे स्थानिक लोकांचे म्हणणे आहे, तर चीनने सीमेपर्यंत पोहोचण्यासाठी ४ लेनचा रस्ता तयार केला आहे. मेनचुकामध्ये शाळा, रुग्णालये आणि इतर सुविधांचाही अभाव आहे.

न्यूज अनकट प्रतिनिधी: ईश्वर वाघमारे