नवी दिल्ली: नागरिकत्व दुरुस्ती विधेयक लोकसभेत मंजूर झाले आणि बिहारमधील एनडीएने एनडीएत या विधेयकाचे समर्थन केले. पण या निर्णयावर जेडीयू मध्ये मतभेद दिसत आहे. पक्षाचे उपाध्यक्ष प्रशांत किशोर यांच्यानंतर आता पवन वर्मा यांनीही या विधेयकाला विरोध दर्शविला असून नितीशकुमार यांना या निर्णयावर पुनर्विचार करण्यास सांगितले आहे.
याबाबत जेडीयूचे प्रवक्ते पवन कुमार वर्मा यांनी मंगळवारी ट्विट केले. त्यांनी लिहिले की, ‘मी नितीशकुमार यांना राज्यसभेत नागरिकत्व दुरुस्ती विधेयकासाठी (कॅब) पाठिंबा देण्याबाबत पुनर्विचार करण्याचे आवाहन करतो. हे विधेयक पूर्णपणे असंवैधानिक आहे आणि देशाच्या एकतेच्या विरोधात आहे. हे विधेयक जेडीयूच्या मूळ कल्पनांच्या विरोधातही आहेत, गांधीजींनी त्यास पूर्ण विरोध केला असता ‘.
विशेष म्हणजे लोकसभेत जेडीयूने नागरिकत्व दुरुस्ती विधेयकाला पाठिंबा दर्शविला. लोकसभेत जेडीयूचे एकूण १६ खासदार आहेत. तर जेडीयूचे राज्यसभेत एकूण ६ खासदार आहेत.
