दिल्ली पोलीस आणि दहशतवाद्यांमध्ये चकमक, पाच जणांना अटक

नवी दिल्ली, ७ डिसेंबर २०२०: दिल्ली पोलिसांच्या स्पेशल सेलने शकरपूर भागात चकमकी दरम्यान पाच दहशतवाद्यांना अटक केली आहे. अटक करण्यात आलेल्या दहशतवाद्यांपैकी दोन पंजाब आणि तीन काश्मीरचे आहेत. हे सर्व इस्लामी आणि खालिस्तानी संघटनांशी संबंधित असल्याचे सांगण्यात येत आहे. या दहशतवाद्यांविरोधात बऱ्याच काळापासून कार्यवाही चालू होती. काही वेळा दिल्ली पोलीस याबाबत प्रेस कॉन्फरन्स घेऊन सविस्तर माहिती देतील.

सूत्रांच्या माहितीनुसार, अटक करण्यात आलेल्या पाच दहशतवाद्यांपैकी दोन पंजाबमधील आहेत. हे सर्व जण तरणतारणमधील शौर्य चक्र विजेता बलविंदरसिंग संधू यांच्या हत्येमध्ये सामील होते. बलविंदरसिंग यांनी पंजाबमधील दहशतवादाविरोधात दीर्घ लढा दिला. नुकतीच पंजाबच्या तरणतारण जिल्ह्यात त्यांची हत्या करण्यात आली. सध्या दहशतवाद्यांना अटक करण्यात आली असून पोलिस त्यांच्याकडे चौकशी करत आहेत.

दिल्ली पोलिसांच्या सूत्रांनी दिलेल्या माहितीनुसार, गुरजीतसिंग आणि सुखदीप सिंग हे पंजाबमधील गुरदासपूर येथील रहिवासी आहेत. याशिवाय जम्मू-काश्मीरमधील अयुब पठाण, शब्बीर आणि रियाझ यांना पोलिसांनी चकमकीत अटक केली आहे. हे लोक पाकिस्तानच्या गुप्तचर संस्थेने दहशतवाद आणि भारतात अमली पदार्थांच्या तस्करीसाठी वापरले होते.

न्यूज अनकट प्रतिनिधी: ईश्वर वाघमारे