अमेरिकेत कोरोनाची त्सुनामी, एका दिवसात आढळली चार लाख प्रकरणे

वॉशिंग्टन, २० डिसेंबर २०२०: अमेरिकेतील कोरोना साथीच्या आजारांमुळे परिस्थिती हाताबाहेर जात आहे. गेल्या दोन दिवसांपासून या प्रकरणात वाढ झाली आहे. अमेरिकेत, गेल्या चोवीस तासांत कोरोनाचे चार लाखाहून अधिक रुग्ण आढळले आहेत. या काळात २५०० हून अधिक लोकांचा मृत्यू देखील झाला आहे. आपल्या ताज्या अद्ययावत माहितीमध्ये, यूएस सेंटर फॉर डिसीज कंट्रोल अँड प्रिव्हेंशन (सीडीसी) ने गेल्या २४ तासांच्या कालावधीत अमेरिकेत चार लाखाहून ही अधिक कोरोना रुग्णांची नोंद केली आहे. सीडीसी’च्या शनिवारच्या आकडेवारीनुसार, शुक्रवारी अमेरिकेच्या सर्व राज्यांमध्ये एकूण ४ लाख ३ हजार ३५९ नवीन प्रकरणे नोंदली गेली.

यापूर्वी ११ डिसेंबर रोजी अमेरिकेत एकाच दिवसात सर्वाधिक कोरोनाची प्रकरणे नोंदली गेली. ११ डिसेंबर रोजी अमेरिकेत २ लाख ४४ हजार ११ प्रकरणे नोंदली गेली. सीडीसी’ने शनिवारी दिलेल्या माहितीत म्हटले आहे की, अमेरिकेत गेल्या २४ तासांत कोरोनामुळे २,७५६ लोक मरण पावले आहेत.

कोरोना व्हायरस ट्रॅकिंग प्रोजेक्टनुसार सध्या कोरोना विषाणूमुळे ग्रस्त १,१४,७५० लोक अमेरिकेतील रूग्णालयात दाखल आहेत. कोरोना विषाणूचे सर्वाधिक प्रकरण जगामध्ये अमेरिकेत नोंदवले गेले आहेत. आतापर्यंत अमेरिकेत १.७६ कोटीहून अधिक प्रकरणे नोंदली गेली आहेत. अमेरिकेत कोरोना मुळे आतापर्यंत ३ लाख १५ हजार ६०० हून अधिक मृत्यूची नोंद झाली आहे.

न्यूज अनकट प्रतिनिधी: ईश्वर वाघमारे