जगावर ओढवलं कोविड, हवामान बदल आणि रशिया-युक्रेन युद्ध तिहेरी संकट, उपासमारीची संख्या झाली दुप्पट

पुणे, २५ ऑगस्ट २०२२: कोविड महामारीपासून, तीव्र उपासमारीला सामोरे जाणाऱ्या लोकसंख्येची संख्या अडीच पटीने २४५ दशलक्ष ओलांडली आहे. जागतिक अन्न कार्यक्रमाने (WFP) बुधवारी ही माहिती दिली. डब्ल्यूएफपीच्या प्रादेशिक संचालक कोरिन फ्लेशर यांनी सांगितले की, कोरोना महामारीपूर्वी तीव्र उपासमारीला सामोरे जाणाऱ्या लोकांची संख्या १३५ दशलक्ष होती.

उपासमारीने वाढू शकते पीडित लोकांची संख्या

फ्लेशर म्हणाले की, साथीच्या रोगामुळे संपूर्ण जगासाठी अन्न पुरवठ्याचे संकट ओढवले आहे. हवामान बदलाच्या परिणामांमुळे आणि रशिया-युक्रेन युद्धामुळे आगामी काळात उपासमारीच्या बळींची संख्या आणखी वाढू शकते. जग हे सहन करायला अजिबात तयार नाही.

१० पट वाढलं स्थलांतर

ते म्हणाले, ‘आज जगभरात १० पट अधिक स्थलांतर होत आहे. कोविड, हवामान बदल आणि युद्ध यांचे एकत्रित परिणाम चिंताजनक आहेत. युक्रेन संकटाचा पश्चिम आशिया आणि उत्तर आफ्रिकेत मोठा परिणाम झाला आहे. दोन्ही प्रदेश मोठ्या प्रमाणावर आयात आणि काळ्या समुद्रावर अवलंबून आहेत. येमेन आपल्या अन्नधान्याच्या गरजा ९० टक्के आयातीद्वारे पूर्ण करतो आणि ३० टक्के काळ्या समुद्रातून येतो.

कोविडनंतर खाद्यपदार्थांच्या किमतीत वाढ झाल्याने हे संकटही अधिक गडद झाले आहे. दर सरासरी 45 टक्क्यांनी वाढले आहेत.

न्यूज अनकट प्रतिनिधी: ईश्वर वाघमारे