पॅन कार्ड आधार कार्डशी लिंक करण्याच्या मुदतीत वाढ, आता ३० जूनपर्यंत मुदत

नवी दिल्ली, १ एप्रिल २०२१: कोरोना संकटामुळे किंवा इतर कोणत्याही कारणास्तव आपण आपले पॅन कार्ड आधार कार्डशी लिंक करू शकला नाही तर आपल्यासाठी दिलासाची मोठी बातमी आहे. पॅनकार्ड आधार कार्डशी जोडण्यासाठी आणखी ३ महिन्यांची मुदतवाढ देऊन केंद्र सरकारने ३० जूनपर्यंत अंतिम तारीख दिली आहे. यापूर्वी ही तारीख बुधवारी ३१ मार्च रोजी १२ वाजता संपत होती.

ही मुदत संपण्यापूर्वीच सरकारने बुधवारी ही लिंक प्रक्रिया पूर्ण करण्यासाठी आणखीन मुदतवाढ देऊन दिलासा दिला. कोरोना साथीच्या आजारामुळे उद्भवणार्‍या अडचणी लक्षात घेता केंद्राने पॅन कार्डशी आधार कार्ड जोडण्याची अंतिम तारीख ३१ मार्च २०२१ ते ३० जून २०२१ पर्यंत वाढविली आहे.

साइट काल झाली क्रॅश

पूर्व-निर्धारित अंतिम मुदतीनुसार पॅनकार्ड आणि आधार कार्ड लिंक करण्याची कालची शेवटची तारीख होती आणि यामुळे आयकर वेबसाइटवर मोठ्या संख्येने लोक लॉग इन केल्यामुळे ही साइट बर्‍याच वेळा क्रॅश झाली.

मोठ्या संख्येने लोक अचानक त्या साइटवर येऊन त्यात एक्सेस केल्यामुळे प्राप्तिकर विभागाची साइट काल पहाटे साडेअकराच्या सुमारास क्रॅश झाली. मात्र काही वेळाने त्यामध्ये दुरुस्ती करण्यात आली. संध्याकाळी ६ वाजेपर्यंत प्राप्तिकर विभागाची साइट वारंवार क्रॅश होत राहिली.

वारंवार प्राप्तीकर विभागाची वेबसाईट क्रॅश होत राहिल्याने लोकदेखील त्रस्त झाले होते. ट्विटरवरही याबाबत तक्रार केली होती. यासह पॅन व आधार लिंक देण्याची अंतिम तारीख वाढविण्याची मागणीही करण्यात आली.

न्यूज अनकट प्रतिनिधी: ईश्वर वाघमारे