हडपसर : कोरोनाचा प्रभाव वाढत आहे. तसेच हडपसर परिसरातील नागरिकांना अनेक समस्यांना सामोरे जावे लागत आहे. प्रभाग क्र.२२मध्ये नागरिकांची गरज ओळखून जीवनावश्यक वस्तूंचे वाटप करण्यात आले.
देशात कोरोनामुळे लॉकडाऊन केले आहे. हडपसर विधानसभा मतदारसंघातील प्रभाग क्र.२२मध्ये झोपडपटीतील नागरिकांना व गरजू कुटुंबांना जीवनावश्यक वस्तू, मास्क, सॅनिटायझरचे वाटप करण्यात आले.
हडपसर आमदार चेतन तुपे पाटील यांच्या मार्गदर्शनाखाली जिजामाता व १५ नंबर परिसरात गणेश मित्र मंडळ व जगदंब प्रतिष्ठान च्या माध्यमातून दोनशे गरजू कुटुंबांना जीवनावश्यक वस्तू, मास्क, सॅनिटायझरचे वाटप करण्यात आले.
यावेळी ऑल इंडिया जर्नलिस्ट असोसिएशनचे प्रदेश संघटक अनिल मोरे, राष्ट्रवादी काँग्रेस हडपसर विधानसभा उपाध्यक्ष सविता मोरे, जगदंब प्रतिष्ठानचे अध्यक्ष सागर चव्हाण, सचिन तांबे, श्री गणेश मित्र मंडळाचे अध्यक्ष सचिन मोरे, प्रशांत गायकवाड, आशिष भुतकर , रिजवान शेख, प्रताप उबाळे, जावेद खान, अजीम सय्यद, सोमनाथ मोरे, अनिल चव्हाण आदींसह कार्यकर्ते मोठ्या संख्येने उपस्थित होते.
सोशल डिस्टनसिंगचा वापर करून अंतरा अंतरावर महिलांना उभा करून सॅनिटायझर व मास्क व किराना वाटप करण्यात आले.
ज्या समाजाने आपल्याला भरभरून दिले. त्या समाजाचे आपण देणे लागतो. यामुळे कोरोनासारखा व्हायरस पसरत असताना नागरिकांचे हाल होत आहेत. रोजगार गेले आहे त्यामुळे मदत नव्हे तर कर्तव्य म्हणून नागरिकांना जीवनावश्यक वस्तूंचे वाटप केलेले आहे अशी माहिती सविता मोरे यांनी दिली.
पहिल्या टप्प्यात जिजामाता वसाहत, डवरी नगर व पंधरा नंबर परिसरातील नागरीकांना जीवनावश्यक वस्तूंचे वाटप केले असून टप्प्याटप्प्याने प्रभाग क्र २२ मध्ये गरजूंना किराणा देणार असल्याची माहिती सागर चव्हाण यांनी दिली.
– ज्ञानेश्वर शिंदे
