उत्तराखंड, दिनांक, २७ ऑक्टोंबर २०२२: जगप्रसिद्ध असणाऱ्या केदारनाथ धामचे दरवाजे हिवाळ्यासाठी बंद करण्यात आले आहेत. अकराव्या ज्योतिर्लिंग असणाऱ्या केदारनाथचे दरवाजे हिवाळ्यासाठी स्थानिक वाद्ये वाजवून, लष्करी बँडचे सूर आणि असंख्य भाविकांच्या जयजयकारासह वैदिक स्तोत्रांच्या जपाने विधींनुसार बंद करण्यात आले आहे.
केदारनाथ समाधीच्या पूजनानंतर आज सकाळी साडेआठ वाजता मंदिराचे मुख्य द्वार बंद करण्यात आले. बाबा केदार यांची मूर्ती केदारनाथहून उखीमठ ओंकारेश्वर मंदिरसाठी रवाना झाली आहे. त्यापूर्वी प्रभूंच्या समाधीची पूजा करण्यात आली. गाभाऱ्याचे दरवाजे बंद केल्यानंतर भगवान केदारनाथची पंचमुखी जंगम पालखी विशेष सजवण्यात आली.
भगवान केदारनाथची पंचमुखी फिरणारी पालखी आज फाट्यावर पोहोचेल. जिथे रात्रीच्या विश्रांतीनंतर २८ ऑक्टोबरला ती पालखी गुप्तकाशीतील विश्वनाथ मंदिरात पोहोचेल. २९ ऑक्टोबर रोजी केदारनाथची पालखी पंचकेदार ओंकारेश्वर मंदिर उखीमठ येथे पोहोचेल. येथे परंपरेनुसार मंदिरात पालखी विराजमान होणार आहे. या दिवसापासून उखीमठ येथील ओंकारेश्वर मंदिरात केदारनाथची हिवाळी पूजा होणार आहे.
परंपरेनुसार असे मानले जाते की हे मंदीर बंद झाल्यानंतर भगवान केदारनाथ जगाच्या कल्याणासाठी हिमालयात जाऊन हिवाळ्यात सहा महिने तपस्या करतात. यापूर्वी २६ ऑक्टोबरला केदारनाथ धामचे गर्भगृह सोन्याने सजवण्यात आले होते. गर्भगृहाच्या भिंती आणि छताला ५५० सोन्याच्या थरांनी नवे भव्य रूप देण्यात आले.
न्यूज अनकट प्रतिनिधि : केतकी कालेकर
