ईडी कडून महाराष्ट्राचे माजी गृहमंत्री अनिल देशमुख यांच्या विरोधात लुक आउट नोटीस जारी

मुंबई, ६ सप्टेंबर २०२१: राज्याचे माजी गृहमंत्री अनिल देशमुख  यांच्या अडचणीत सातत्याने वाढ होताना दिसत आहे. अंमलबजावणी संचालनालयाने (ईडी) महाराष्ट्राचे माजी गृहमंत्री अनिल देशमुख यांच्याविरोधात लुक आउट नोटीस जारी केली आहे.  १०० कोटींच्या वसुली प्रकरणात अनिल देशमुखला लवकरच अटक होऊ शकते. हा दावा जयश्री पाटील यांनी केला आहे. त्यामुळे राज्याच्या माजी गृहमंत्र्यांना खरंच अटक होणार का? असा सवाल उपस्थित केला जातोय.

जयश्री पाटील यांनी नेमका काय दावा केलाय?

“१०० कोटी रुपये खंडणी घोटाळ्यात सक्तवसुली संचालनालयाने (ईडी) अनिल देशमुख यांच्याविरुद्ध लूकआऊट नोटीस बजावली आहे. यामुळे आता देशमुख यांना देश सोडून जाता येणार नाही. लूकआऊट नोटीसनुसार अनिल देशमुख यांना देशभरातून शोधून काढण्याचे अधिकार मिळाले आहेत. त्याखेरीज देशभरातील विमानतळांनादेखील नोटीस गेली आहे. जेणेकरून देशमुख हे देश सोडून जाऊ शकणार नाहीत. तसा प्रयत्न त्यांनी केल्यास त्यांना विमानतळावरच थांबवले जाईल”, असं अ‍ॅड. जयश्री पाटील म्हणाल्या आहेत.

 ईडीने अनिल देशमुख यांना अनेक वेळा समन्स पाठवले आहेत.  पण अनिल देशमुख एकदाही चौकशीसाठी हजर झाले नाहीत.  ईडीचे अधिकारी अनिल देशमुख यांचा शोध घेत असल्याचे सूत्रांचे म्हणणे आहे.

 याआधी सीबीआयने देशमुख यांच्या वकिलाला अंतर्गत चौकशी अहवाल लीक केल्याप्रकरणी त्यांच्या अधिकाऱ्यानंतर अटक केली होती.  बुधवारी, अनिल देशमुख यांच्या कायदेशीर संघात सहभागी असलेल्या वकील आनंद डागाची सीबीआय कस्टोडियल चौकशी करण्यात आली होती.

 मुंबईचे माजी पोलीस आयुक्त परमबीर सिंह यांनी मुख्यमंत्री उद्धव ठाकरे यांना पत्र लिहून देशमुख यांचा खंडणी प्रकरणात सहभाग असल्याचा आरोप केला होता.  त्यांचा आरोप होता की देशमुख यांनी बडतर्फ मुंबई पोलीस अधिकारी सचिन वाजे यांना दरमहा १०० कोटी रुपये वसूल करण्यास सांगितले होते.

 या वर्षी २४ एप्रिल रोजी देशमुख आणि काही अज्ञात व्यक्तींविरोधात भ्रष्टाचार आणि गैरवर्तणुकीच्या आरोपाखाली एफआयआर नोंदवण्यात आला.  देशमुख यांनी प्राथमिक चौकशीनंतर एप्रिलमध्ये राजीनामा दिला पण आरोप नाकारले.

न्यूज अनकट प्रतिनिधी: ईश्वर वाघमारे