इलॉन मस्क यांची ट्विटर डील रद्द करण्याची घोषणा, कंपनी मस्कवर भरवणार खटला

पुणे, 9 जुलै 2022: इलॉन मस्क यांनी त्यांच्या वतीने ट्विटर करार रद्द केला आहे. जगातील सर्वात श्रीमंत व्यक्ती, एलोन मस्क यांनी 25 एप्रिल रोजी ट्विटर $ 54.20 अब्ज डॉलर्समध्ये विकत घेण्याची ऑफर दिली, परंतु नंतर ते $ 44 बिलियनवर सेटल झाले.

या करारातून माघार घेतल्यानंतर ट्विटर आता इलॉन मस्कवर खटला भरण्याच्या तयारीत आहे.

अनेक आठवडे चाललेल्या टेक जगाच्या या हायव्होल्टेज ड्रामामध्ये नवा ट्विस्ट आला आहे. इलॉन मस्क यांनी म्हटले आहे की, ट्विटरने करारातील अनेक तरतुदी मोडल्या आहेत, त्यामुळे ते या करारातून माघार घेत आहेत.

इलॉन मस्क यांच्या वकिलाने ट्विटरवर लिहिले, ‘मि. मस्क हे विलीनीकरण रद्द करत आहेत. ट्विटरने त्यांच्यासोबत केलेल्या कराराचा भंग केल्यामुळे ते असे करत आहेत. विलीनीकरणादरम्यान ट्विटरने एलोन मस्क यांना चुकीचे आणि दिशाभूल करणारे प्रतिनिधित्व केले’

ट्विटरने सांगितले, डील पूर्ण होईल… कायदेशीर कारवाईही करणार…

यानंतर, आता ट्विटरवरून असे सांगण्यात आले आहे की कंपनीला हे विलीनीकरण पूर्ण करायचे आहे आणि ते पूर्ण करण्यासाठी न्यायालयात जाण्याची तयारी केली जात आहे.

न्यूज अनकट प्रतिनिधी: ईश्वर वाघमारे