फेसबुक ॲप वर आता मिळणार ‘डार्क मोड’

पुणे, दि. ८ जून २०२०: सोशल मीडिया प्लॅटफॉर्म फेसबुकने लॉकडाऊन दरम्यान, वापरकर्त्यांना बरेच नवीन फिचर्स देण्यात आले आहेत. फेसबुकने अलीकडेच आपली साइट पूर्णपणे नवीन डिझाइनमध्ये बदलली आहे आणि वापरकर्त्यांना नवीन इंटरफेसवर स्विच करण्याचा पर्याय देखील मिळत आहे. लवकरच फेसबुक अ‍ॅपवर डार्क मोड वापरकर्त्यांसाठी आणण्यात येणार असल्याचे वृत्त समोर आले आहे. या वैशिष्ट्याची दीर्घ काळापासून चाचणी घेण्यात आली आहे आणि इन्स्टाग्राम आणि व्हॉट्सअ‍ॅप सारख्या फेसबुक कुटुंबातील उर्वरित अ‍ॅप्सला यापूर्वीच या सोयी प्राप्त झाल्या आहेत.

मिळालेल्या माहिती नुसार फेसबुक काही नवीन फिचर्सवर काम करत आहे, जे लवकरच अ‍ॅपमध्ये दिले जाईल. आतापर्यंत फेसबुकने कोरोना विषाणूशी संबंधित बनावट माहिती फिल्टर करण्यासाठी प्लॅटफॉर्मवर काही वैशिष्ट्ये जोडली होती. वापरकर्ते बर्‍याच दिवसांपासून फेसबुक अॅपमध्ये डार्क मोडची वाट पाहत होते आणि शेवटी हे फीचर येत आहे. फेसबुकच्या मेसेंजर अ‍ॅपमध्ये डार्क मोड पर्याय आधीपासूनच उपलब्ध आहे आणि आता वापरकर्त्यांना वेबसाइटवर डार्क मोड देखील देण्यात आला आहे.

डेस्कटॉप आवृत्तीवर, वापरकर्त्यांना आधीपासूनच डार्क मोड मिळत आहे. फेसबुक वेबसाईट उघडताच आता वापरकर्त्यांना नवीन डिझाईनवर स्विच करण्याचा पर्याय मिळेल. विशेष म्हणजे फेसबुकने वापरकर्त्यांना पूर्णपणे साइट बदलण्यापूर्वी जुन्या आणि नवीन साइटवर स्विच करण्याचा पर्याय दिला आहे. वापरकर्ते फक्त क्विक-सेटिंग्स मेनूमधून नवीन इंटरफेसवर जाऊ शकतात. नवीन इंटरफेसवर गेल्यानंतर, फेसबुक वेबसाइट पूर्णपणे नवीन डिझाइन दिसते. नवीन साइट पूर्वीपेक्षा अधिक सुव्यवस्थित दिसते. व्हिडिओ गेम्स आणि फेसबुक वरील ग्रुप यांच्यावर या नवीन बदलांमध्ये लक्ष केंद्रित केले गेले आहे.

न्यूज अनकट प्रतिनिधी