आजपासून देशभरात फास्टॅग अनिवार्य करण्यात येणार

नवी दिल्ली, १५ फेब्रुवरी २०२१: सोमवारपासून देशभरात फास्टॅग अनिवार्य करण्यात येणार आहे. परिवहन मंत्रालयाच्या आदेशानुसार १५ फेब्रुवारीपासून दुचाकी वगळता इतर सर्व वाहनांना फास्टॅग घालणे बंधनकारक असेल. १५ फेब्रुवारीपासून फास्टॅग नसलेल्या वाहनांना टोल प्लाझावर डबल टोल टॅक्स किंवा दंड भरावा लागेल. फास्टॅग बसविलेल्या वाहनांना टोल प्लाझावर थांबावे लागणार नाही.

वास्तविक, १५ फेब्रुवारीपासून सर्व वाहनांसाठी फास्टॅग आवश्यक केले गेले आहे. आता सरकार १५ फेब्रुवारीपासून फास्टॅगच्या मदतीने १०० टक्के टोल वसूल करण्यास तयार आहे. सध्या राष्ट्रीय महामार्गावरुन येत असलेल्या सर्व टोल टॅक्सपैकी ८० टक्के टोल कर फास्टॅगच्या मदतीने येतो.

फास्टॅग म्हणजे काय?

फास्टॅग हे वाहनांच्या विंडस्क्रीनवर बसविलेले एक स्टिकर आहे. टोल क्रॉसिंग दरम्यान, डिव्हाइस टोल प्लाझावरील स्कॅनरला रेडिओ फ्रीक्वेंसी आयडेंटिफिकेशन टेक्नॉलॉजीच्या मदतीने कनेक्ट केले जाते आणि त्यानंतर फास्टॅगशी जोडलेल्या खात्यातून पैसे वजा केले जातात. यामुळे टोल प्लाझावर थांबायची गरज नाही.

न्यूज अनकट प्रतिनिधी: ईश्वर वाघमारे