पटना (बिहार), ०६ ऑगस्ट, २०२०: बिहारमधील अनेक जिल्ह्यांमध्ये परिणाम झालेल्या पूरांवर नियंत्रण ठेवण्यासाठी राष्ट्रीय आपत्ती प्रतिसाद बल (एनडीआरएफ) आणि एसडीआरएफ यांच्या ३० हून अधिक टिम तैनात करण्यात आल्या आहेत, अशी माहिती राज्य सरकारकारच्या आपत्ती व्यवस्थापन विभागाने दिली आहे.
बुधवारी विभागाने जाहीर केलेल्या आकडेवारीनुसार राज्यातील १६ जिल्ह्यांमध्ये वाढत्या पाण्यामुळे बाधित झाला आहे. यामुळे १९ जणांनी आपले जीव गमावले असून बाधितांची एकूण संख्या ६६,६०,६५५ वर गेली आहे. बुधवारी एकूण १२,२०२ लोकांना मदत शिबिरात हलविण्यात आले आहे. तत्पूर्वी मुख्यमंत्री नितीशकुमार यांनी राज्यातील खगेरिया, सहरसा आणि दरभंगा या जिल्ह्यात पूरग्रस्त नौकांना तीन वेगवेगळ्या घटनांमुळे झालेल्या लोकांच्या जीवितहानीबद्दल शोक व्यक्त केला होता आणि जिल्हा प्रशासनाला यामध्ये मृतांचा नातेवाईकांना अनुदानाची रक्कम देण्याची सूचना केली.
“खगरिया, सहरसा आणि दरभंगा येथे होडी बुडण्याच्या घटना दु: खद आहेत. मृतांच्या आश्रित व्यक्तींना मदतीची रक्कम देण्याची सूचना मी जिल्हा प्रशासनाला केली आहे,” असे मुख्यमंत्र्यांनी हिंदीमधून अनुवादित केलेल्या ट्विटमध्ये म्हटले आहे. कुमार यांनी आपल्या ट्वीटद्वारे बिहार सरकारची ५ ऑगस्ट रोजीची एक प्रसिद्धी पत्रकही ठेवले. खगेरिया, सहरसा आणि दरभंगा येथे नौका बुडण्याच्या घटनांविषयी पुनरुच्चार केला.
निवेदनात म्हटले आहे की, मृतांच्या आश्रित व्यक्तींना एक्स-ग्रॅटीया रक्कम द्यावी, असे निर्देश मुख्यमंत्र्यांनी जिल्हा प्रशासनाला दिले. मुख्यमंत्र्यांनी बुधवारी राज्यातील पूर बाधित भागाचे हवाई सर्वेक्षणही केले. कुमार यांनी पूरबाधाग्रस्त जिल्ह्यांपैकी एक, दरभंगा येथील पूर मदत शिबिर व सामुदायिक स्वयंपाकघराल ही भेट दिली.
न्यूज अनकट प्रतिनिधी
