माजी क्रिकेटर आणि योगी सरकारमधील मंत्री चेतन चौहान यांचे निधन

गुरुग्राम, १६ ऑगस्ट २०२०: उत्तर प्रदेशचे गृहराज्यमंत्री आणि माजी क्रिकेटपटू चेतन चौहान यांचे निधन झाले आहे. सायंकाळी साडेचार वाजण्याच्या सुमारास हृदयविकारामुळे चेतन चौहान यांचा मृत्यू झाला. त्यांच्यावर गुरुग्राममधील मेदांता रुग्णालयात उपचार सुरू होते. चेतन चौहान यांनाही कोरोना विषाणूंची लागण झाली होती.

एका दिवसापूर्वीच ७३ वर्षीय चेतन चौहान यांची प्रकृती खालावली होती. त्यांचे मूत्रपिंड निकामी झाले होते. ज्यामुळे त्यांना लाइफ सपोर्ट सिस्टमवर ठेवण्यात आले होते. जुलै महिन्यातच चेतन चौहानचा कोरोना विषाणूंचा अहवाल सकारात्मक आला होता. चेतन चौहान यांच्या निधनानंतर उत्तर प्रदेशचे मुख्यमंत्री योगी आदित्यनाथ यांनी तीव्र शोक व्यक्त केला आहे.

क्रिकेट कारकीर्द

चेतन चौहान हे भारतीय क्रिकेट संघाचे महत्त्वपूर्ण फलंदाज होते. चेतन चौहान यांनी भारतीय क्रिकेट संघाकडून ४० कसोटी सामने खेळले आहेत. याशिवाय चेतन चौहान यांनी सात एकदिवसीय सामन्यांमध्ये भारताचे प्रतिनिधित्व केले आहे. चेतन चौहानच्या कसोटी सामन्यात २०८४ धावा आहेत. कसोटी सामन्यात त्यांच्या सर्वाधिक  ९७ धावा आहेत.

राजकीय कारकीर्द

क्रिकेटनंतर चेतन चौहान यांनी राजकारणात प्रवेश केला. चेतन चौहान भारतीय राजकारणात सक्रिय भूमिका निभावत होते. चेतन चौहान हे भारतीय जनता पक्षाचे लोकसभेचे खासदारही राहिले आहेत. १९९१ आणि १९९८ च्या निवडणुकीत ते भाजपच्या तिकिटावर खासदार झाले. सध्या चेतन चौहान हे उत्तर प्रदेशच्या योगी सरकारमध्ये मंत्री होते. चेतन चौहान हे अमरोहा जिल्ह्यातील नौगावा विधानसभेचे आमदार होते. त्याचवेळी, चेतन चौहान हे योगी सरकारचे दुसरे कॅबिनेट मंत्री आहेत, ज्यांचा कोरोनामुळे मृत्यू झाला. यापूर्वी कॅबिनेट मंत्री कमला राणी यांचे कोरोनामुळे लखनऊमधील पीजीआय येथे निधन झाले.

न्यूज अनकट प्रतिनिधी