‘गदर’ इज बॅक, २२ वर्षांनंतर पुन्हा झाला चित्रपट रिलीज

नवी दिल्ली ११ जून २०२३: ‘गदर’ या लोकप्रिय चित्रपटाचा, तब्बल २२ वर्षांनंतर पुन्हा एकदा शुक्रवारी दिल्ली, जयपूर आणि लखनऊमध्ये प्रीमियर झाला. सनी देओल, अमिषा पटेल, अमरीश पुरी यांच्या दमदार अभिनयाने गाजलेला हा चित्रपट परत एकदा थिएटरमध्ये प्रदर्शित झाला आहे. सनी देओल आणि अमिषा पटेल यांचा ‘गदर २’ हा चित्रपट ११ ऑगस्ट २०२३ रोजी रिलीज होणार आहे. २२ वर्षांपूर्वी प्रदर्शित झालेल्या ‘गदर: एक प्रेम कथा’ या चित्रपटाचा हा सिक्वेल आहे.

चित्रपटाच्या प्रीमियर दरम्यान अभिनेता सनी देओल चाहत्यांना सरप्राइज देण्यासाठी दिल्लीच्या पीव्हीआर थिएटरमध्ये पोहोचले. येथे सनी यांनी हिंदुस्थान जिंदाबादच्या घोषणा दिल्या. याचा एक व्हिडिओ सोशल मीडियावर समोर आला आहे. या व्हिडिओमध्ये सनी थिएटरमध्ये दिसत आहे. यादरम्यान तेथे उपस्थित असलेले चाहते सनी यांना पाहून खूप खुश झाले. यावेळी सनी ग्रे ब्लेझरमध्ये दिसले. त्यांनी यावेळी पगडी बांधली होती. सनी यांनी चाहत्यांच्या विनंतीवरुन ‘हिंदुस्तान जिंदाबाद है, जिंदाबाद था और जिंदाबाद रहेगा’ हा प्रसिद्ध डायलॉग म्हटला.

या चित्रपटात सनी देओलशिवाय अमिषा पटेल, सिमरत कौर, लव सिन्हा आणि मनीष वाधवा देखील दिसणार आहेत. तसेच या आधीचेच चेहरे मुख्य पात्रांमध्ये दिसणार आहेत. पण अशरफ अली यांची भूमिका चित्रपटात नसेल. ही भूमिका दिवंगत अभिनेते अमरीश पुरी यांनी साकारली होती.

न्युज अनकट प्रतिनिधी- गुरुराज पोरे.