स्वैच्छिक रक्तदान शिबीरास उत्तम प्रतिसाद

पुणे, दि. ३ जून २०२०: कोरोना प्रादुर्भावाचा काळ पाहता तसेच वेळेची गरज आणि सामाजिक भान लक्षात घेऊन व ससून शासकीय रुग्णालयात होत असलेल्या रक्ताच्या तुटवड्यावर मात करण्यासाठी मा. राहुल गायकवाड यांच्या विद्यमाने रक्तदान शिबीराचे आयोजन विडी कामगार वस्ती गणपती मंदिर समोर व्यामशाळा , वडगावशेरी येथे करण्यात आले होते.

या रक्तदान शिबीरास उत्स्फूर्त व यशस्वी प्रतिसाद मिळाला असल्याचे छावा ग्रुपचे तसेच या शिबीराचे आयोजक राहुल गायकवाड यांनी सांगितले. तसेच त्यांनी सर्व रक्तदात्यांचे आभार मानले.

या शिबीरामध्ये समाजसेवा अधिक्षक श्री. शरद देसले प्रादेशिक रक्तपेढी ससून शासकीय रुग्णालय पुणे, चंदननगर पोलिस स्टेशनचे पीआय शंकर खटके, सुनिल गायकवाड व इतर अधिकारी यांचे मोलाचे सहकार्य लाभले.

या रक्तदान शिबीरास मा. आमदार व भाजप पुणे शहर अध्यक्ष जगदीश मुळीक, नगरसेवक योगेश मुळीक, नगरसेवक संदिप जर्‍हाड यांनी आवर्जुन भेट दिली तसेच त्यांनी आयोजक राहुल गायकवाड यांचे कौतुक देखील केले.

आयोजित कार्यक्रमात रवि नराल, दिपक कोल्हे, मयुरशेठ भोसुरे, अशिष गायकवाड, कुणाल गायकवाड, सूर्यकांत भालेराव, कुमार खेसे, योगेश काळे, क्लेव्हीन, विजय घुले व छावा ग्रुपचे कार्येकर्ते उपस्थित होते.

न्यूज अनकट प्रतिनिधी