“हा” आभिनेता, क्रिकेटर बनला मुंबई संघाचा चयनकर्ता……..

मुंबई, १८ डिसेंबर २०२०: सय्यद मुश्ताक अली ट्रॉफीपासून सुरू होणार्या नव्या घरच्या हंगामापूर्वी मुंबई क्रिकेटला नवा मुख्य निवडकर्ता मिळाला आहे. भारताचा माजी वेगवान गोलंदाज सलील अंकोला यांची मुंबई क्रिकेटचा नवा मुख्य निवडकर्ता म्हणून नियुक्ती करण्यात आली आहे. अंकोला व्यतिरिक्त निवड समितीत आणखी ४ सदस्य असतील, ज्यात संजय पाटील, रवींद्र ठाकरे, झुल्फिकार पारकर आणि रवी कुलकर्णी यांची नावं आहेत. मुख्य निवडकर्ते आणि निवड समितीची निवड झाल्यानंतर आता मुंबई क्रिकेट त्यांच्या नव्या प्रशिक्षकाच्या निवडीची वाट पाहत आहे, ज्यांचं नावही लवकरच जाहीर केलं जाऊ शकतं.

५२ वर्षीय सलील अंकोला यांनी १९८९ मध्ये पाकिस्तानविरुद्ध कराची कसोटी सामन्यात कसोटी दरम्यान पदार्पण केलं. हीच ती टेस्ट मॅच होती ज्यामधून सचिन तेंडुलकर आणि वकार युनूसनंही पदार्पण केलं. अंकोला यांची पदार्पण चाचणी ही त्यांच्या क्रिकेट कारकिर्दीची शेवटची कसोटीही ठरली. या कसोटी सामन्यात अंकोला यांनी २ गडी बाद केले आणि केवळ ६ धावा केल्या. भारताकडून १ कसोटी सामना खेळण्याव्यतिरिक्त, अंकोला यांनी २० एकदिवसीय सामने खेळले आणि १ बळी घेतला. सलिल अंकोला हे भारताच्या १९९६ च्या विश्वचषक संघाचा देखील एक भाग होते, ज्यामध्ये त्यांनी श्रीलंकेविरुद्ध फक्त १ सामना खेळला होता.

अंकोला क्रिकेटर सोडून अभिनेता झाले……

क्रिकेट प्रवास सुरू करणाऱ्या सलील अंकोला यांनी १९९९ मध्ये क्रिकेटला निरोप दिला आणि अभिनयात हात आजमवण्यासाठी गेले. व्यक्तिमत्त्व चांगलं होतं, म्हणून काम देखील भेटलं. त्यांनी चित्रपट आणि टीव्ही मालिकांमध्ये काम करण्यास सुरवात केली. तथापि, या काळात त्यांच्या आयुष्यात एक गडबड झाली. अगदी ते नैराश्याला बळी पडले. अंकोला यांनी दुसरं लग्न केलं आणि २०११ मध्ये पहिल्या पत्नीला घटस्फोट दिला. २००६ च्या पूर्वी, ते लोकप्रिय टीव्ही शो बिग बॉसचे स्पर्धक देखील होते.

अंकोला यांचं पहिलं आव्हान…..

मात्र, आता अंकोला यांच्या समोर मुंबई क्रिकेटची मोठी जबाबदारी आहे. त्यांची सुरुवात सय्यद मुश्ताक अली ट्रॉफीपासून करावी लागेल. त्याच्या तयारीसाठी अजून काही दिवस बाकी आहेत. सय्यद मुश्ताक अली ट्रॉफी १० ते ३१ जानेवारी दरम्यान होणार आहे.

न्यूज अनकट प्रतिनिधी: निखिल जाधव