हिमाचल प्रदेश, दि. २८ मे २०२०: हिमाचल प्रदेशच्या हमीरपूर प्रशासनाने मोठे दुर्लक्ष केले आहे. प्रशासनाच्या दुर्लक्षामुळे कोरोना विषाणूचा संसर्ग होण्याचा धोका आता लोकांवर पडला आहे. मुंबईवरून आलेल्या नागरिकांची दुसरी तपासणी नकारात्मक येण्या आधीच प्रशासनाने त्यांना घरी पाठवले.
बुधवारी रात्री १५ जणांचा अहवाल कोरोना पॉझिटिव्हवर आला. त्यानंतर हा अहवाल समोर आल्यानंतर खळबळ उडाली आहे. पहिला रिपोर्ट समोर आल्यानंतरच लोकांना घरी पाठविण्यात आले होते, अशी कबुली हमीरपूर जिल्हा दंडाधिकारी हरिकेश मीना यांनी दिली.
हा अहवाल समोर आल्यानंतर रात्री उशिरा प्रशासनाने लोकांना घरातून नेले. १५ लोक कोरोना पॉझिटिव्ह असल्याचे आढळले आहे. डीएम म्हणाले की ही चूक कशी झाली, संपूर्ण प्रकरणाची चौकशी केली जाईल. संपर्कात असलेल्यांना देखील अलग ठेवण्यात येईल.
महाराष्ट्र हे देशातील सर्वाधिक कोरोना बाधित राज्य आहे. अशा परिस्थितीत तिथून परत येणाऱ्यांनाच कोरोना संसर्ग होण्याचा धोका सर्वाधिक असतो. आलेले हे नागरिक बहुतेक मुंबई किंवा आसपासच्या भागात राहणारे होते.
न्यूज अनकट प्रतिनिधी
