सिंघु बॉर्डर, 16 ऑक्टोंबर 2021: शेतकरी आंदोलनाचं ठिकाण असलेल्या कुंडली येथील सिंघू सीमेवर गुरुवारी रात्री साडेतीन वाजता एका तरुणाचा हात आणि एक पाय कापून निर्घृणपणे हत्या करण्यात आली. या युवकावर गुरु ग्रंथ साहिबची विटंबना केल्याचा आरोप आहे. तरुणाला दोरीनं बांधून 100 मीटरपर्यंत ओढून नेण्यात आलं आणि शेतकरी आंदोलनाच्या मंचासमोर बॅरिकेडवर लटकवलं गेलं. मात्र, याला शेतकरी चळवळीला बदनाम करण्याचं षडयंत्रही म्हटलं जात आहे. त्याचवेळी, या घटनेचे काही व्हिडिओही समोर आले आहेत, ज्यात असे म्हटलं जात आहे की निहंगांकडून गुरु ग्रंथ साहिबची अवहेलना केल्यामुळे त्यांची हत्या करण्यात आली. मृताचे नाव पंजाबमधील तरनतारन जिल्ह्यातील लखविंदर सिंह असं आहे. शरीराचा एक हात आणि एक पाय कापला गेलाय. मानेसह शरीराच्या इतर भागांवर धारदार शस्त्रांनी हल्ला केल्याच्या खुणा आहेत. सध्या पोलिसांनी अज्ञात व्यक्तीविरोधात खुनाचा गुन्हा दाखल केलाय. पोलिसांनी मृतदेह सिव्हिल हॉस्पिटलमध्ये ठेवलाय.
या घटनेनंतर व्हायरल झालेल्या व्हिडिओमध्ये, हातात काठी असलेला एक माणूस दावा करत आहे की घोड्यांची सेवा करणाऱ्या निहंगांनी गुरुवारी रात्री साडेतीन वाजता गुरु ग्रंथ साहिबची अवहेलना करणाऱ्या एका तरुणाला पकडलं. गैरवर्तनामुळे निहंगांनी तरुणाचा एक हात आणि एक पाय कापला आहे. व्हिडिओमध्ये, एक शीख माणूस म्हणत आहे की जर आज अपमान झाला, लोक असे म्हणतील की ते स्वतः तंबूत बसले आहेत आणि त्यांना गुरु महाराजांची पर्वा नाही. पोलीस येऊन त्यांची कारवाई करतील, आम्ही कोणालाही घाबरत नाही. अवहेलना असल्याबद्दल त्याचा एक हात आणि एक पाय कापला गेलाय, आज त्याला इथेच मारून टाकण्यात येईल.
यासंदर्भात डीएसपी हंसराज म्हणाले की, पहाटे 5 वाजता कुंडली पोलीस ठाण्यात माहिती मिळाली की शेतकरी आंदोलनाच्या निषेध स्थळाजवळ एका युवकाचा हात व पाय कापून त्याला लटकवण्यात आलंय. माहिती मिळताच एएसआय संदीप टीमसह घटनास्थळी पोहोचले. त्यांनी तिथे पाहिले की अंडरवेअर घातलेला एक तरुण बॅरिकेडवर लटकलेला आहे. त्यांनी हे कोणी केले याची चौकशी करण्याचा प्रयत्न केला परंतु कोणतीही माहिती मिळू शकली नाही. अज्ञात व्यक्तीविरोधात खुनाचा गुन्हा दाखल करण्यात आला असून मृतदेह शवविच्छेदनासाठी पाठवण्यात आलाय. व्हायरल व्हिडिओबाबत डीएसपी हंसराज म्हणाले की, व्हिडिओमध्ये काय आहे हा तपासाचा विषय आहे. काय व्हायरल आहे, लोक काय म्हणत आहेत, अफवा सुरूच राहतील. तपासात जे काही बाहेर येईल त्याची माहिती दिली जाईल.
दलित होता मृत लखबीर
लखबीर सिंह पंजाबमधील तरन तारन जिल्ह्यातील चीमा खुर्द गावचे रहिवासी होते आणि जातीने दलित होते. असे सांगितले जात आहे की त्याच्या अंमली पदार्थाच्या व्यसनामुळं पत्नी जसप्रीत पाच वर्षांपूर्वी तीन मुलींसह तिच्या माहेरी गेली होती. तेव्हापासून लखबीर त्याच्या मावशीच्या घरी राहत होता. लखबीरनं गुरुग्रंथ साहिबची विटंबना केल्याचा आरोप केलाय, म्हणून त्याची हत्या केली. निहंगांच्या या कबुलीजबाबाचा व्हिडिओही समोर आला आहे.
न्यूज अनकट प्रतिनिधी: ईश्वर वाघमारे
