बारामती, १८ ऑक्टोबर २०२०: बारामती नगर पालिकेचे आरोग्य निरीक्षक राजेंद्र सोनवणे यांचा आज नगराध्यक्ष पौर्णिमा तावरे यांच्या हस्ते कोरोना योद्धा म्हणून सन्मान करण्यात आला. यावेळी बारामती नागरपिकेचे नगरसेवक व इन्व्हायरमेंटल फोरमचे पदाधिकारी उपस्थित होते.
कोरोना संक्रमणाच्या काळात आरोग्य निरीक्षक राजेंद्र सोनवणे यांनी अहोरात्र व अविरत ,प्रामाणिक पणे काम केले आहे. कोरोना संसर्गाच्या काळात माणसातील माणुसकी हरवली असताना या बिकट काळात बारामती तालुका व शहरातील अनोळखी १०० पेक्षा जास्त व्यक्तिंवर सोनवणे यांनी अंत्यसंस्कार केले आहेत. कोरोना काळात रात्रंदिवस ऊन, वारा ,पाऊस यांची तमा न बाळगता शहरातील कोरोना बाधित रुग्ण सापडलेल्या ठिकाणी औषध फवारणी करणे निर्जंतुकीकरण करणे अशी महत्वाची कामे सोनवणे यांनी एकही दिवस सुट्टी घेतली नाही किंवा आपल्या कर्तव्यापरी कंटाळा केला नाही.
अविश्रांत निर्भयपणे नि:स्वार्थपणे केलेल्या सेवेची पावती म्हणून एन्व्हायरमेंटल फोरम ऑफ इंडिया संस्थेच्या वतीने बारामती नगर परिषदेचे आरोग्य निरीक्षक राजेंद्र सोनवणे यांचा ‘कोरोना योध्दा’म्हणुन आज सन्मान करण्यात आला.
न्युज अनकट प्रतिनिधी – अमोल यादव
