IMF ने FY22 मध्ये भारताचा GDP अंदाज 9 टक्क्यांनी केला कमी

नवी दिल्ली, 27 जानेवारी 2022: आंतरराष्ट्रीय नाणेनिधी (IMF) ने 31 मार्च रोजी संपणाऱ्या चालू आर्थिक वर्षासाठी भारताच्या आर्थिक वाढीचा अंदाज 9 टक्क्यांपर्यंत कमी केलाय, यामध्ये अनेक एजन्सीजनं देखील त्यांचे अंदाज कमी केले आहेत. याचं कारण म्हणजे कोरोनाव्हायरसच्या नवीन प्रकाराच्या प्रसाराच्या परिणामांचा औद्योगिक आणि आर्थिक घडामोडींवर होणारा दुष्परिणाम.

वॉशिंग्टनस्थित आंतरराष्ट्रीय वित्तीय संस्थेनं गेल्या वर्षी ऑक्टोबरमध्ये भारतासाठी 9.5 टक्के जीडीपी वाढीचा अंदाज व्यक्त केला होता. मंगळवारी जागतिक आर्थिक दृष्टीकोनच्या ताज्या अपडेटमध्ये त्यांनी पुढील आर्थिक वर्ष 23 (एप्रिल 2022 ते मार्च 2023) साठी अंदाज 7.1 टक्के वर्तवला.

2020-21 या आर्थिक वर्षात भारतीय अर्थव्यवस्था 7.3 टक्क्यांनी घसरली होती. चालू आर्थिक वर्षासाठी IMF चा अंदाज सरकारच्या केंद्रीय सांख्यिकी कार्यालयाच्या अंदाजानुसार 9.2 टक्क्यांपेक्षा कमी आहे आणि भारतीय रिझर्व्ह बँकेच्या अंदाजानुसार 9.5 टक्के आहे.

IMFचा अंदाज S&P च्या 9.5 टक्के आणि मूडीजच्या 9.3 टक्के अंदाजापेक्षा कमी आहे परंतु जागतिक बँकेच्या 8.3 टक्के आणि फिचच्या 8.4 टक्के अंदाजापेक्षा जास्त आहे. IMF च्या मते, 2023 साठी भारताची शक्यता क्रेडिट वाढ आणि त्यानंतर गुंतवणूक आणि उपभोगात अपेक्षित सुधारणा, वित्तीय क्षेत्राच्या अपेक्षेपेक्षा चांगल्या कामगिरीवर आधारित आहे.

IMF ने म्हटलं आहे की, जागतिक वाढ 2021 मध्ये 5.9 वरून 2022 मध्ये 4.4 टक्क्यांवर येण्याची अपेक्षा आहे, 2022 साठी ऑक्टोबरच्या तुलनेत अर्धा टक्के कमी आहे.

न्यूज अनकट प्रतिनिधी: ईश्वर वाघमारे