कोलकाता मध्ये इमारतीला आग, अग्निशमन दलाच्या जवानांसह ९ जनांचा मृत्यू

कोलकाता, ९ मार्च २०२१: कोलकाताच्या स्ट्राँड रोडवर असलेल्या बहुमजली इमारतीच्या १७ व्या मजल्यावर भयंकर आग लागली. या अपघातात मृतांचा आकडा ९ वर पोहोचला आहे. या क्षणी आगीवर नियंत्रण मिळविले आहे. अग्निशमन आणि आपत्कालीन सेवामंत्री सुजित बसू यांच्या म्हणण्यानुसार, “मृत्यू झालेल्यांमध्ये अग्निशमन दलाचे चार कर्मचारी होते”. तेथे एक सहायक सब इंस्पेक्टर देखील होता जो हरे स्ट्रीट पोलिस स्टेशनमध्ये तैनात होता. तेथे आरपीएफचे दोन जवान होते. ”मृतांच्या कुटुंबियांना राज्य सरकारने दहा लाख रुपयांची आर्थिक मदत जाहीर केली आहे.

घटनेची माहिती मिळाल्यानंतर सीएम ममता बॅनर्जीही घटनास्थळी पोहोचल्या. याशिवाय मंत्री सुजित बोस आणि फिरहद हकीमही घटनास्थळी पोहोचले. मुख्यमंत्री ममता बॅनर्जी यांच्या म्हणण्यानुसार अग्निशमन दलाच्या जवानांनी आगीवर नियंत्रण मिळवण्यासाठी १३ व्या मजल्यावर चढाई केली होती. यासाठी त्यांनी लिफ्टचा वापर केला, पण जेव्हा ते १३ व्या मजल्यावर पोहोचले तेव्हा त्यांचा श्वास गुदमरला. सध्या अग्निशमन दलाच्या जवानांसह पोलिस आयुक्त घटनास्थळी हजर आहेत. आगीची खबर मिळताच इमारतीच्या सभोवतालची वाहतूक थांबविण्यात आली आणि इमारत रिकामी करण्यात आली.

यावेळी रेल्वे अधिकारी यांच्या कुटुंबातील एक सदस्य मुख्यमंत्री ममता बॅनर्जी यांच्या जवळ पोहोचला. ममता बॅनर्जी यांनी अधिकाऱ्यांसह हरवलेल्या लोकांच्या यादीची पडताळणी केली आणि सांत्वन केले की अधिकारी बेपत्ता लोकांना शोधण्याच्या प्रयत्नात गुंतले आहेत. मुख्यमंत्र्यांना भेटतांना कुटुंबावर दुःखाचा डोंगर कोसळला होता आणि दोन्ही हात जोडून विनंती करण्यास सुरवात केली. मुख्यमंत्र्यांनी त्यांचे दोन्ही हात धरून शांत करण्याचा प्रयत्न केला.

पूर्व रेल्वेचे प्रवक्ता कमल देव दास यांनी सांगितले की न्यू कोळघाट इमारतीत आग लागली होती. यात पूर्व रेल्वे व दक्षिण पूर्व रेल्वेची क्षेत्रीय कार्यालये आणि तळ मजल्यावरील संगणकीकृत तिकिट बुकिंग केंद्र आहे. त्याचवेळी पोलिसांनी सांगितले की आग विझविण्याच्या प्रक्रियेला वेग देण्यासाठी स्ट्रँड रोडवर वाहतूक थांबविण्यात आली होती. रेल्वेच्या नवीन कोलाघाट इमारतीत आग लागल्यामुळे इमारतीची वीज खंडित झाली असून, त्यामुळे पूर्व रेल्वेच्या आरक्षणाच्या तिकिटांचे काम थांबविण्यात आले आहे. पूर्व रेल्वेचे प्रवासी तिकिट बुक करण्यासाठी सर्व्हर या इमारतीत आहे.

न्यूज अनकट प्रतिनिधी: ईश्वर वाघमारे