कोलकातामध्ये ‘ईडी’ने टाकले एकाच वेळी दहा ते बारा ठिकाणी छापे

कोलकाता, ३१ जानेवारी २०२३ : पश्चिम बंगालची राजधानी कोलकाता येथे अंमलबजावणी
संचालनालयाने (ईडी) कालपासून शहरातील किमान १० ते १२ ठिकाणी छापे टाकले आहेत. केंद्रीय दलासोबत ‘ईडी’ मंगळवारी (ता. ३१) अनेक ठिकाणी छापे टाकत आहे. ‘ईडी’च्या १० ते १२ टीम या मोहिमेवर निघाल्या आहेत. ‘ईडी’चे अधिकारी कोलकात्याच्या आनंदपूर, टेंगरा, अलीपूर, न्यू अलीपूर, हेस्टिंग्ज, बजबुज, महेशतला येथे कारवाई करीत आहेत. शहरातील अनेक भागांत ‘ईडी’चे एकाचवेळी टाकलेले छापे अत्यंत महत्त्वाचे मानले जात आहेत; मात्र या मोहिमेबाबत अद्याप विशेष काही सांगण्यात आलेले नाही.

‘ईडी’च्या अधिकाऱ्यांकडून तसे संकेत मिळत असले, तरी काही दिवसांपूर्वी शहरभरात झालेल्या प्राप्तिकर लेखापरीक्षणात काही महत्त्वाची माहिती समोर आली आहे. औद्योगिक क्षेत्रातील शोधात २५० ते ३०० कोटी रुपयांची करचोरी झाल्याची माहिती समोर आली आहे. हा शोध या प्रकरणाशी संबंधित असल्याचे मानले जात आहे; मात्र अद्याप ‘ईडी’कडून काहीही सांगण्यात आलेले नाही. मोठ्या प्रमाणात प्राप्तिकर फसवणूक झाल्याचे उघड झाले असले, तरी विविध कंपन्यांच्या माध्यमातून करचोरी होत असल्याचा आरोप आहे. ही बाब लक्षात घेऊन हे छापे टाकण्यात येत आहेत.

मिळालेल्या माहितीनुसार, सकाळी साडेसहा वाजता केंद्रीय दलासह ‘ईडी’च्या पथकाने छापा टाकला. ‘ईडी’चे ६ अधिकारी तारा शिल्पा तालुक्यातील एका कार्यालयात गेले. ४-५ अधिकाऱ्यांचे पथक पुन्हा अलीपूरला पोचले. सूत्रांनी दिलेल्या माहितीनुसार एका फ्लॅटची झडती घेण्यात आली. १०, अलीपूर रोड येथील गेस्ट हाऊसमध्येही पथक गेले होते. यापूर्वी, ऑनलाइन गेमिंग ॲप किंवा भरतीवर बंदी आणल्याची तक्रार मिळाल्यानंतर ‘ईडी’च्या पथकाने शहरात छापे टाकले. त्यांच्याकडून कोट्यवधी रुपयांची रोकड जप्त करण्यात आली आहे; मात्र याविषयी अद्याप ‘ईडी’कडून कोणतेही माहिती देण्यात आलेली नाही. ‘ईडी’ने निवेदन दिल्यानंतर स्थिती स्पष्ट होईल.

‘न्यूज अनकट’ प्रतिनिधी : सूरज गायकवाड