उत्तर प्रदेश मध्ये याच महिन्यात होऊ शकते लसीकरण, अधिकारी, कर्मचाऱ्यांच्या सुट्ट्या रद्द

लखनऊ, १७ डिसेंबर २०२०: उत्तर प्रदेश सरकारनं कोरोना लस बाबत आपली तयारी पूर्ण केली आहे. सर्वत्र पुरवठा साखळी बनवण्याबरोबरच आरोग्य कर्मचाऱ्यांच्या सुट्ट्यांवरही कात्री लावण्यात आली आहे. उत्तर प्रदेश सरकारनं कुटुंब कल्याण विभागाकडून महानिदेशालयातील अधिकारी व कर्मचार्‍यांच्या डिसेंबर आणि जानेवारीच्या सुट्ट्या रद्द केल्या आहेत. मंजूर झाल्यास यूपीमध्ये डिसेंबर अखेरपासून लसीकरण कार्यक्रम सुरू होईल. राज्य सरकारनं यासाठी तयारी पूर्ण केली आहे.

कुटुंब कल्याण विभागानं बुधवारी जारी केलेल्या आदेशात म्हटलं आहे की, “कोरोना रोखण्यासाठी प्रयत्न केले जात आहेत. डिसेंबर आणि जानेवारीत कोरोना विषाणूची लस लावण्याचं प्रस्तावित आहे, त्यासाठी सर्व अधिकारी व कर्मचार्‍यांचे सहकार्य आवश्यक आहे.” म्हणूनच, सर्व सुट्या रद्द कराव्यात असा निर्णय घेण्यात आला आहे.

कुटुंब कल्याण विभागानं आपल्या आदेशात म्हटलं आहे की, ‘कंत्राटी व दैनंदिन वेतन मजुरांसह संचालनालयाचे सर्व अधिकारी व कर्मचारी ज्यांची पूर्वीची मंजूर रजा रद्द झाली आहे. सर्व कर्मचार्‍यांनी त्यांच्या योगदानाची आकडेवारी सादर करावीत, अन्यथा शिस्तभंगाची कारवाई केली जाईल.

लस संग्रहण केंद्राची तयारी

उत्तर प्रदेश, बिहार, राजस्थानसह विविध राज्यांची सरकार कोरोना लस आणि लसीकरणाच्या संदर्भात त्यांच्या स्तरावर तयारी करत आहेत. ज्यामध्ये कोल्ड चेन, स्टोरेज पॉईंटची व्यवस्था केली जात आहे. यूपीमध्येही लसीकरण संदर्भात झालेल्या बैठकीत मुख्य सचिवांनी दोन दिवसांत सर्व जिल्ह्यात सुरक्षित पद्धतीनं लस साठवण व लसीकरणाची योजना देण्यास सांगितलं आहे. उत्तर प्रदेश सरकार कोरोना लस सर्व ७५ जिल्ह्यात साठवण्याची तयारी करत आहे.

न्यूज अनकट प्रतिनिधी: ईश्वर वाघमारे