मुंबई, १० जुलै २०२१: भारत आणि श्रीलंका यांच्यात मर्यादित षटकांची मालिका यापूर्वी नियोजित वेळापत्रकात (१३ जुलै) सुरू होणार नाही. श्रीलंकेचा फलंदाजी प्रशिक्षक ग्रँट फ्लॉवर आणि डेटा विश्लेषक जीटी निरोशन कोरोना सकारात्मक आढळले आहेत. यानंतर भारतीय क्रिकेट नियामक मंडळाने (बीसीसी) आणि क्रिकेट श्रीलंकाने सामने काही दिवस पुढे ढकलण्याचा निर्णय घेतला. असं म्हटलं जात आहे की ही मालिका आता १७ जुलैपासून सुरू होऊ शकेल.
पहिल्या वेळापत्रकानुसार वनडे मालिकेचा पहिला सामना १३ जुलै रोजी, दुसरा सामना १६ जुलैला आणि तिसरा सामना १८ जुलै रोजी होणार होता. यानंतर टी -20 मालिका खेळली जाणार होती. श्रीलंका क्रिकेट बोर्डाने (एसएलसी) आता बीसीसीआयला १७, १९ आणि २१ जुलै रोजी ३ एकदिवसीय सामने खेळण्याचा प्रस्ताव दिलाय. त्याचबरोबर टी 20 सामने २४, २५ आणि २७ जुलै रोजी खेळता येतील. आता बीसीसीआयला यावर निर्णय घ्यावा लागेल.
बॅटिंग कोच आणि विश्लेषकांना डेल्टा व्हेरिएंटची लागण
श्रीलंकेसाठी चिंताजनक बाब म्हणजे फलंदाजीचे प्रशिक्षक ग्रँट फ्लॉवर आणि विश्लेषक जीटी निरोशन या दोघांनीही डेल्टा व्हेरिएंटची लागण झाली आहे. कोरोनाचा हा प्रकार अधिक संक्रामक आणि धोकादायक आहे. श्रीलंकेचे खेळाडू शुक्रवारीच आइसोलेशन मधून बाहेर पडणार होते पण आता संघाला आणखी दोन दिवस वाट पाहावी लागणार आहे.
दरम्यान, सर्व खेळाडू आणि सहाय्यक कर्मचार्‍यांची आणखी एक आरटी पीसीआर चाचणी घेतली जाईल. त्यांच्या निकालानंतरच भारत विरुद्ध सीरिजमध्ये कोणते खेळाडू भाग घेतील हे ठरवलं जाईल.
न्यूज अनकट प्रतिनिधी: ईश्वर वाघमारे
