भारत २०२६ पर्यंत ‘संयुक्त हिंदू राष्ट्र’ होईल : तेलंगणाचे आमदार राजा सिंह

पुणे, १४ मार्च २०२३ : भारतीय जनता पक्षाचे निलंबित नेते आणि आमदार टी. राजा सिंह यांनी २०२६ पर्यंत भारताला ‘संयुक्त हिंदू राष्ट्र’ घोषित केले जाईल, अशी आशा व्यक्त केली आहे. महाराष्ट्रातील अहमदनगर जिल्ह्यातील राहाता येथे हिंदू संघटनांनी नुकत्याच आयोजित केलेल्या कार्यक्रमात टी. राजा सिंह यांनी या गोष्टी सांगितल्या. टी. राजा सिंह यांच्या मते, सध्या ५० हून अधिक इस्लामिक देश आहेत; तसेच १५० हून अधिक ख्रिश्चन राष्ट्रे आहेत, मग भारताला हिंदू राष्ट्र का घोषित केले जाऊ शकत नाही?

आमदार टी. राजा सिंह म्हणाले की, भारतातील बहुसंख्य लोकसंख्या हिंदू समाजाची आहे. ते म्हणाले की, देशाला ‘अखंड हिंदू राष्ट्र’ करावे, ही हिंदूंची मागणी आहे. टी. राजा सिंह म्हणाले की, अहमदनगर आणि हैदराबाद शहरांची नावे बदलून अहिल्याबाईनगर आणि भाग्यनगर करण्यात येणार आहेत.

हैदराबादच्या गोशामहल मतदारसंघातून टी. राजा सिंह यांनी निवडणूक जिंकली आहे. त्यांनी भाजपच्या तिकिटावर निवडणूक लढविली होती. २०२५ आणि २०२६ मध्ये काहीही झाले तरी भारत एक ‘अखंड हिंदू राष्ट्र’ राहील, असा टी. राजा सिंह यांचा दावा आहे. देशातील ऋषीमुनींना हेच हवे आहे. ही त्यांची गर्जना आहे. हा त्यांचा अंदाज आहे.

टी. राजा सिंह म्हणाले की, महाराष्ट्रातील औरंगाबाद आणि उस्मानाबाद शहरांची नावे बदलण्यात आली आहेत. हे पाऊल भारताला ‘अखंड हिंदू राष्ट्र’ बनविण्याच्या दिशेने एक सुरवात आहे. औरंगाबाद शहराचे नाव बदलून ‘छत्रपती संभाजीनगर’ करण्याचा प्रस्ताव केंद्राने नुकताच मंजूर केला होता; तसेच उस्मानाबाद शहराचे नाव बदलून ‘धाराशिव’ करण्यात आले आहे.

नुकतेच धीरेंद्र कृष्ण शास्त्री यांनी मला साथ द्या, मी हिंदू राष्ट्र देईन असे म्हटले होते; मात्र आपण संविधान मानणाऱ्यांपैकी आहोत असेही धीरेंद्र कृष्णा म्हणाले होते. आपल्या पूर्वजांनी संविधान मनापासून स्वीकारले आहे; पण भारताला हिंदू राष्ट्र बनविण्याचा आमचा निर्धार आहे. जेव्हा त्यांना विचारण्यात आले की, हिंदू राष्ट्रात मुस्लिम असतील का? त्यामुळे एकत्र राहणार असल्याचे धीरेंद्र यांनी सांगितले. त्यांचे पूर्वज सनातनी होते.

‘न्यूज अनकट’ प्रतिनिधी : सूरज गायकवाड