ऋषभ पंतच्या नेतृत्वाखाली भारताने प्रथमच मिळवला विजय, तिसऱ्या T20 मध्ये दक्षिण आफ्रिकेचा 48 धावांनी पराभव

Ind Vs Sa T20, 15 जून 2022: दक्षिण आफ्रिकेविरुद्ध सुरू असलेल्या टी-20 मालिकेत टीम इंडियाला पहिला विजय मिळाला आहे. टीम इंडियाने मंगळवारी विशाखापट्टणम येथे खेळल्या गेलेल्या तिसऱ्या टी-20 सामन्यात दक्षिण आफ्रिकेचा 48 धावांनी पराभव केला. यासह भारताने पाच सामन्यांच्या मालिकेत पुनरागमन केले असून आता गुणसंख्या 1-2 अशी आहे.

कर्णधार ऋषभ पंतच्या नेतृत्वाखाली भारताचा हा पहिला विजय आहे. या सामन्यात टीम इंडियाने प्रथम फलंदाजी करत ऋतुराज गायकवाड-इशान किशन यांच्या स्फोटक सलामीच्या भागीदारीच्या जोरावर 179 धावा केल्या. गेल्या दोन सामन्यांमध्ये खराब कामगिरी करणाऱ्या टीम इंडियाच्या गोलंदाजांनी येथे पुनरागमन करत आफ्रिकेच्या फलंदाजांना चांगलेच अडचणीत आणले.

टीम इंडियासाठी, वेगवान गोलंदाज हर्षल पटेलने अप्रतिम गोलंदाजी केली, त्याने 3.1 षटकात फक्त 25 धावा देत चार मोठे बळी घेतले. गेल्या दोन सामन्यांमध्ये खराब कामगिरी करणाऱ्या युझवेंद्र चहलने येथे 4 षटकांच्या कोट्यात 20 धावांत 3 बळी घेतले.

भारत- 179/5 (20)
दक्षिण आफ्रिका-131 (19.1)

दक्षिण आफ्रिकेचा डाव

पहिली विकेट – टेंबा बावुमा (8 धावा), 23-1 (3.6 षटके)
दुसरी विकेट – रेझा हेंड्रिक्स (23 धावा), 38-2 (5.6 षटके)
तिसरी विकेट – रॉसी डुसेन (1 धाव), 40-3 (6.5 षटके)
चौथी विकेट- ड्वेन प्रिटोरियस (20 धावा), 57-4 (8.6 षटके)
पाचवी विकेट- डेव्हिड मिलर (3 धावा), 71-5 (10.6 षटके)
6वी विकेट- हेन्रिक क्लासेन (29 धावा), 100-6 (14.5 षटके)
सातवी विकेट – कागिसो रबाडा (9 धावा), 113-7 (16.4 षटके)
आठवी विकेट- केशव महाराज (11 धावा), 126-8 (18.2 षटके)
नववी विकेट- एनरिक नॉर्सिया (0 धावा), 131-9 (18.5 षटके)
दहावी विकेट – तबरेझ शम्सी (0 धावा), 131-10 (19.1 षटके)

टीम इंडियाचा डाव – 179/5, 20 षटके

ऋतुराज गायकवाड आणि इशान किशन यांनी भारतासाठी धमाकेदार सुरुवात केली. दोघांनी पहिल्या 10 षटकात 97 धावा जोडल्या होत्या, पण त्यानंतर टीम इंडियाचा डाव गडगडला. ऋतुराजने (57 धावा) त्याच्या टी-20 आंतरराष्ट्रीय कारकिर्दीतील पहिले अर्धशतक झळकावले, सोबतच इशान किशन (54 धावा) जो सतत तुफानी फलंदाजी करत आहे.

पुन्हा एकदा मधल्या फळीला काही चमत्कार करता आला नाही, तर श्रेयस अय्यरला केवळ 14 धावा करता आल्या. कर्णधार ऋषभ पंतने 6 आणि दिनेश कार्तिकनेही 6 धावा केल्या. अखेरीस, हार्दिक पांड्याने काही धावा केल्या आणि 21 चेंडूत 31 धावा करत टीम इंडियाची धावसंख्या 179 पर्यंत नेली.

पहिली विकेट – ऋतुराज गायकवाड (57 धावा), 9.6 षटके – 97/1
दुसरी विकेट – श्रेयस अय्यर (14 धावा), 12.6 षटके – 128/2
तिसरी विकेट – इशान किशन (54 धावा), 13.4 षटके – 131/3
चौथी विकेट – ऋषभ पंत (6 धावा), 15.5 षटके – 143/4
पाचवी विकेट – दिनेश कार्तिक (6 धावा), 18.3 षटके – 158/5

दक्षिण आफ्रिकेचा प्लेइंग-11: टेम्बा बावुमा (कर्णधार), रीझा हेंड्रिक्स, ड्वेन प्रिटोरियस, रस्सी वेन ड्यूसेन, एच. क्लासेन, डेव्हिड मिलर, वेन पेर्नेल, कागिसो रबाडा, केशव महाराज, तबरेझ शम्सी, एनरिक नॉर्सिया

टीम इंडियाचे प्लेइंग-11: ऋतुराज गायकवाड, इशान किशन, श्रेयस अय्यर, ऋषभ पंत (कर्णधार/डब्ल्यूके), हार्दिक पंड्या, दिनेश कार्तिक, अक्षर पटेल, हर्षल पटेल, भुवनेश्वर कुमार, युझवेंद्र चहल, आवेश खान

न्यूज अनकट प्रतिनिधी: ईश्वर वाघमारे