श्रीनगर, दि. १२ जून २०२०: भारतीय लष्कराने पुन्हा एकदा दहशतवादाला प्रतसहित करणाऱ्या पाकिस्तानला चोख प्रत्युत्तर दिले आहे. गुरुवारी भारतीय सैन्याने पीओके मधील नियंत्रण रेषेला लागून असलेली १० पाकिस्तानी सैन्य चौक्या नष्ट केल्या आहेत. वस्तुतः जम्मू-काश्मीरमधील राजौरी आणि पुंछ सेक्टरमध्ये पाकिस्तानी लष्कराने गोळीबार केला होता, त्यात लष्कराचा जवान हरचरण सिंग शहीद झाला होता.
या व्यतिरिक्त राजौरीच्या नौशेरा येथे पाकिस्तानी गोळीबारात एक पोलिस जखमी झाला. यानंतर भारतीय सैन्याने ही जवाबी कारवाई केली आणि पाकिस्तानी लष्कराच्या १० चौक्या नष्ट केल्या. भारतीय सेनेने सामनी सेक्टरमधील कहवलियन नाल्यातील पाकिस्तानी सैन्याच्या चौकींना लक्ष्य केले.
सूत्रांच्या माहितीनुसार भारतीय सैन्याच्या या कारवाईत पाकिस्तानी सैन्याला बरेच नुकसान सहन करावे लागले आहे. भारतीय लष्कराने पाकिस्तानला योग्य प्रत्युत्तर दिलेली ही पहिली वेळ नाही. मागील वर्षाच्या सुरुवातीलाच भारतीय लष्कराने सीमेच्या पलीकडे असलेल्या दहशतवादी छावण्यांना लक्ष्य केले होते. त्यात अनेक अतिरेकी ठार झाले.
तत्पूर्वी, पुलवामा दहशतवादी हल्ल्यानंतर, भारतीय हवाई दलाने प्रत्युत्तरात पाकिस्तानच्या बालाकोटमध्ये प्रवेश केला आणि दहशतवाद्यांच्या ठिकाणावर हवाई हल्ला केला. भारतीय हवाई दलाच्या या हवाई हल्ल्यात जैश-ए-मोहम्मदचे अतिरेकी मोठ्या संख्येने ठार झाले.
भारताच्या या कारवाईने संतप्त होऊन पाकिस्तानने याचे प्रत्युत्तर देण्यासाठी हल्ला चढविला होता, त्यास भारतानेही चोख प्रत्युत्तर दिलं आणि पाकिस्तानच्या एफ -१६ लढाऊ विमानाला हाणून पाडले होते. यावेळी, भारतीय हवाई दलाचे विमान मिग -२१ कोसळले होते आणि उड्डाण करणारे भारतीय पायलट अभिनंदन पाकिस्तानच्या ताब्यात असलेल्या भागात पोचले, जेथे त्यांना पाकिस्तानी सैन्याने पकडले. मात्र नंतर पाकिस्तानला खाली झुकवावे लागले आणि अभिनंदनला सोडण्यात आले.
न्यूज अनकट प्रतिनिधी
