पुणे, २४ मार्च २०२१: कसोटी आणि टी -२० मालिका जिंकणार्‍या टीम इंडियाने एकदिवसीय मालिकेतही दणदणीत विजय मिळविला. पुण्यात खेळल्या गेलेल्या पहिल्या एकदिवसीय सामन्यात भारतीय संघाने इंग्लंडचा ६६ धावांनी पराभव केला. शिखर धवनने टीम इंडियाकडून ९८ धावांची शानदार खेळी केली. प्रथम फलंदाजी करताना भारताने ३१७ धावा केल्या. प्रत्युत्तरादाखल इंग्लंडचा संघ २५१ धावांत गडगडला. प्रसिद्ध कृष्णाने त्याच्या पदार्पण सामन्यात सर्वांना प्रभावित केले. त्याने तीन गडी बाद केले.
वास्तविक, कसोटी आणि टी -२० मालिकेनंतर भारत आणि इंग्लंड यांच्यातील एकदिवसीय मालिकेचा पहिला सामना पुण्यात खेळला गेला. ३१८ धावांच्या लक्ष्याचा पाठलाग करताना इंग्लंडच्या सलामीवीरांनी जोरदार फलंदाजी केली परंतु नंतर सामना पुढे होताच भारतीय गोलंदाजांनी ब्रिटिश फलंदाजांवर दबाव आणण्यास सुरुवात केली.
यानंतर संपूर्ण इंग्लंडचा संघ २५१ धावांवर बाद झाला. प्रसिद्ध कृष्णाच्या ४३ व्या षटकातील पहिल्याच चेंडूवर टॉम कुर्रेनने भुवनेश्वर कुमारला झेल दिला. भारताने पहिला एकदिवसीय सामना ६६ धावांच्या फरकाने जिंकला. टीम इंडियाने तीन सामन्यांच्या मालिकेत १-० अशी आघाडी घेतली.
फलंदाज आणि गोलंदाजांनी भारताच्या विजयात मोलाचे योगदान दिले. शिखर धवनने ९७ धावांचा डाव खेळला. केएल राहुलने ६२ आणि क्रुणाल पांड्याने ५८ धावा केल्या. विराट कोहलीनेही ५६ धावांचा डाव खेळला. गोलंदाजीमध्ये डेब्यू सामना खेळणार्‍या प्रसिद्ध कृष्णाने ४ विकेट्स घेतल्या. शार्दुल ठाकूरनेही ३ गडी बाद केले. भुवनेश्वर कुमारला २ आणि कृणाल पंड्याला एक विकेट मिळाला.
दुसरीकडे इंग्लंडकडून जॉनी बेअरस्टोने ६६ चेंडूंत ९४ धावा केल्या. बेअरस्टोने त्याच्या खेळीत ७ षटकार ठोकले. जेसन रॉयनेही ४६ धावा केल्या. जॉनी बेयरस्टो आणि जेसन रॉय यांनी वादळी सुरुवात केली. या दोन्ही फलंदाजांनी पहिल्या १० षटकांत षटकार आणि चौकारांचा पाऊस पाडला. विशेषत: बेअरस्टोने युवा गोलंदाज कृष्णाला चांगले शॉट लावले. दोन्ही फलंदाजांनी १० षटकांत ८९ धावा केल्या. मात्र, या दोघांशिवाय इंग्लंडचा कोणताही फलंदाज विकेट टिकवू शकला नाही.
तत्पूर्वी, इंग्लंडचा कर्णधार इऑन मॉर्गनने नाणेफेक जिंकून प्रथम क्षेत्ररक्षण करण्याचा निर्णय घेतला. भारताकडून क्रुणाल पंड्या आणि प्रसिद्ध कृष्णा यांना वनडेमध्ये डेब्यू करण्याची संधी मिळाली. विकेट कीपर वृषभ पंतला प्लेइंग इलेव्हनमध्ये स्थान मिळाले नाही. पाचव्या क्रमांकावर फलंदाजी करण्याशिवाय केएल राहुलला विकेटकीपरचीही जबाबदारी मिळाली.
दोन्ही संघातील प्लेइंग इलेव्हान पुढीलप्रमाणे-
इंग्लंड
जेसन रॉय, जॉनी बेअरस्टो, इऑन मॉर्गन (कर्णधार), जोस बटलर (यष्टीरक्षक), बेन स्टोक्स, सॅम बिलिंग्ज, मोईन अली, सॅम कुर्रेन, टॉम कुर्रेन, आदिल रशीद, मार्क वूड.
भारत
रोहित शर्मा, शिखर धवन, विराट कोहली (कर्णधार), केएल राहुल (यष्टीरक्षक), श्रेयस अय्यर, हार्दिक पांड्या, क्रुणाल पांड्या, शार्दुल ठाकूर, भुवनेश्वर कुमार, कुलदीप यादव, प्रसिद्ध कृष्णा.
न्यूज अनकट प्रतिनिधी: ईश्वर वाघमारे
