फरीदाबाद, २८ ऑगस्ट २०२०: चित्रपट अभिनेता सुशांतसिंग राजपूत यांच्या मृत्यू प्रकरणात सीबीआय सातत्याने चौकशी करत आहे. दरम्यान या प्रकरणावर राजकीय वक्तव्येही केली जात आहेत. केंद्रीय मंत्री रामदास आठवले यांनी शुक्रवारी हरियाणाच्या फरीदाबाद येथे सुशांतचे वडील केके सिंह यांची भेट घेतली. बैठकीनंतर रामदास आठवले म्हणाले की सुशांतचा मृत्यू आत्महत्या नसून खून आहे.
हरियाणाच्या फरीदाबादमध्ये शुक्रवारी केंद्रीय मंत्री रामदास आठवले यांनी सुशांतचे वडील केके सिंह आणि बहीण राणी सिंग यांची शुक्रवारी भेट घेतली. ते म्हणाले की, मला वाटते की सुशांतचा मृत्यू आत्महत्या नसून खून आहे. सुशांतच्या कुटूंबाने न्यायाची मागणी केली आहे, सीबीआयमार्फत केलेल्या तपासणीवर सुशांतचे कुटुंब सध्या समाधानी आहे.
केंद्रीय मंत्री रामदास आठवले यांच्या अगोदरही भारतीय जनता पार्टी, जेडीयू आणि बिहारच्या इतर नेत्यांनी या संदर्भात निवेदने दिली आहेत. त्याचवेळी, महाराष्ट्र भाजप नेतेही सतत मुंबई पोलिसांच्या तपासावर प्रश्न विचारत होते. महाराष्ट्र सरकारने योग्य चौकशी न केल्याची बिहारमधील नेत्यांनी आरोप केले.
विशेष म्हणजे सुशांतसिंग राजपूत यांचे वडील केके सिंह यांनीही हत्येचा संशय व्यक्त केला होता. त्यांनी रिया चक्रवर्तीवर आरोप केला की रियाने आपल्या मुलाला विष देऊन मारले. या शिवाय रिया आणि तिच्या कुटुंबीयांवर सुशांतच्या बहिणींनी कट रचल्याचा आरोप केला आहे.
न्यूज अनकट प्रतिनिधी
