पुणे, 21 ऑक्टोंबर 2021: जगातील सर्वात स्वस्त अँड्रॉइड स्मार्टफोन म्हणजेच जिओफोन नेक्स्ट पुन्हा एकदा चर्चेत आला आहे. या फोनशी संबंधित नवीन वैशिष्ट्ये उघड झाली आहेत. टीपस्टर अभिषेक यादवच्या मते, या फोनमध्ये क्वालकॉम स्नॅपड्रॅगन 215 क्यूएम 215 प्रोसेसर आणि 2 जीबी रॅम मिळेल. हा फोन गुगल प्ले कन्सोल लिस्टिंगमध्ये दिसला आहे. JioPhone Next ची घोषणा AGM 2021 दरम्यान करण्यात आली होती. हा फोन दिवाळीपूर्वी लाँच केला जाईल.
जिओफोन नेक्स्टची ही वैशिष्ट्ये झाली उघड
या फोनशी संबंधित नवीन स्पेसिफिकेशन्स उघड झाले आहेत, त्यानुसार फोनमध्ये HD+ डिस्प्ले उपलब्ध असेल. ज्याचे रिझोल्यूशन 720 x 1440 पिक्सेल असेल. त्याची स्क्रीन डेनसिटी 320dpi असेल. हा फोन अँड्रॉइड 11 गो एडिशनवर काम करेल. यात एड्रेनो 306 ग्राफिक्स प्रोसेसिंग युनिट (GPU) आहे. फोनमध्ये 2GB रॅमसह क्वालकॉम स्नॅपड्रॅगन 215 QM215 प्रोसेसर आहे. फोनचा मॉडेल क्रमांक LS1542QWN आहे.
फोनची किंमत 3499 रुपये असू शकते
डेटा इंजिनीयर आणि प्रोडक्ट रिव्यू टिपस्टर योगेश ने जिओफोन नेक्स्टची किंमत 3,499 रुपये सांगितली आहे. योगेश अनेकदा फोन आणि गॅझेटशी संबंधित स्पेसिफिकेशन्स आणि किंमती लीक करतो. त्याने JioPhone Next चे स्पेसिफिकेशन्स देखील लीक केले आहेत.
न्यूज अनकट प्रतिनिधी: ईश्वर वाघमारे
