नवी दिल्ली: जवाहरलाल नेहरू विद्यापीठाच्या (जेएनयू) विद्यार्थ्यांनी वसतिगृह फी वाढविण्याच्या निषेधार्थ सोमवारी राष्ट्रपती भवनात मोर्चा काढला. त्यादरम्यान पोलिस आणि विद्यार्थ्यांमध्ये वादविवादाची परिस्थिती निर्माण झाली. पोलिसांनी लाठीमार केला. वास्तविक, विद्यार्थ्यांना राष्ट्रपती रामनाथ कोविंद यांची भेट घ्यायची होती. दिल्लीचे उद्योग विहार, लोक कल्याण मार्ग आणि केंद्रीय सचिवालय मेट्रो स्टेशन सुरक्षेमुळे बंद करण्यात आले होते, जे ४ तासानंतर उघडण्यात आले.
भिकाजी कामा मेट्रो स्थानकाजवळ पोलिसांनी मोर्चा रोखला. ज्या विद्यार्थ्यांनी राष्ट्रपती भवनाच्या दिशेने जाण्याचा प्रयत्न केला त्यांना पोलिसांनी ताब्यात घेतले. विद्यार्थ्यांनी लाटीचार्जचे अनेक फोटो आणि व्हिडिओ सोशल मीडियावरही शेअर केले आहेत. मोर्चामुळे गंगनाथ रोड ते सरोजिनी नगर डेपो पर्यंत रोखण्यात आले.
जेएनयूचे विद्यार्थी अध्यक्ष ऐशी घोष म्हणाले, पोलिसांनी लाठीमार केला असून मुलींसह अनेक विद्यार्थ्यांना ताब्यात घेतले. ते आम्हाला कॅम्पसमध्ये परत जाण्यास सांगत आहेत, परंतु आमच्या मागण्या मान्य होईपर्यंत आम्ही आंदोलन सोडणार नाही. मोर्चात सहभागी असलेल्या श्रेया घोष म्हणाल्या, जेव्हा मोर्चा शांततेत पार पडला होता तेव्हा पोलिसांनी लाठीचार्ज केला यात ३० हून अधिक विद्यार्थी जखमी झाले. आम्ही कसंही राष्ट्रपती भवनात पोहोचू आणि आपला मुद्दा ठेवू.”
