मुंबई, 6 फेब्रुवारी 2022: भारताच्या स्वर कोकिळा लता मंगेशकर गेल्या 27 दिवसांपासून मुंबईतील ब्रीच कँडी रुग्णालयात दाखल आहेत. लतादीदींवर रुग्णालयात उपचार सुरू आहेत. लतादीदींची प्रकृती पुन्हा बिघडल्याचं वृत्त आहे. लता मंगेशकर अजूनही आयसीयूमध्ये असून त्या डॉक्टरांच्या देखरेखीखाली असतील असे सांगण्यात येत आहे. लता मंगेशकर यांची काळजी घेण्यासाठी राज ठाकरे ब्रीच कँडी रुग्णालयात आल्याचेही वृत्त आहे.
असं सांगितलं प्रवक्त्याने
मात्र, लता मंगेशकर यांच्या कुटुंबीयांनी किंवा व्यवस्थापकाने अद्याप याला दुजोरा दिलेला नाही. प्रवक्त्यानं सांगितलं – कुटुंब प्रत्येक अफवा नाकारणार नाही. लताजींच्या प्रकृतीबाबत सध्या आम्ही कोणतेही अधिकृत विधान करू शकत नाही. कुटुंबाच्या गोपनीयतेची काळजी घ्या आणि या परिस्थितीत त्यांच्या आरोग्यासाठी प्रार्थना करा.
काय म्हणाले डॉक्टर प्रतीत
लता मंगेशकर यांच्या कुटुंबीयांनी त्यांच्या प्रकृतीबाबत बोलण्यास नकार दिला आहे. पण ब्रीच कँडी हॉस्पिटलचे डॉक्टर प्रीतित समदानी यांनी लता मंगेशकर यांची प्रकृती अधिकच बिघडल्याचं सांगितलंय. प्रतीक म्हणाले की, त्यांची प्रकृती गंभीर आहे. त्या सध्या व्हेंटिलेटरवर आहेत. लता अजूनही आयसीयूमध्ये असून डॉक्टरांच्या देखरेखीखाली असतील.
कुटुंबियांनी जारी केलं होतं निवेदन
यापूर्वी लता मंगेशकर यांच्या प्रकृतीत सुधारणा होत होती. याबाबत त्यांच्या कुटुंबीयांनीही निवेदनाद्वारे माहिती दिली होती. कुटुंबीयांनी सांगितले की, लता दीदी अजूनही आयसीयूमध्ये आहेत मात्र त्यांची प्रकृती ठीक आहे. यासोबतच डॉक्टरांनी त्यांना व्हेंटिलेटरवरून काढून ट्रायल केली.
27 जानेवारी रोजी लता मंगेशकर यांच्या कुटुंबीयांनी त्यांच्या अधिकृत ट्विटर अकाऊंटवर एक निवेदन जारी केले. लता मंगेशकर यांच्या प्रकृतीत सुधारणा होत असल्याचे सांगण्यात आले. निवेदनात लिहिले आहे की, ‘लता दीदी अजूनही ब्रीच कँडी हॉस्पिटलच्या आयसीयूमध्ये आहेत. दीदींवर अजूनही उपचार सुरू आहेत. आज सकाळी त्यांना व्हेंटिलेटरवरून काढून तपासणी करण्यात आली. त्यांच्या प्रकृतीत आता सुधारणा दिसून येत आहे. पण तरीही त्या डॉ प्रतिमा समदानी आणि त्यांच्या टीमच्या देखरेखीखाली असेल. तुमच्या सर्व प्रार्थनांसाठी आम्ही कृतज्ञ आहोत.
लतादीदी जवळपास महिनाभरापासून रुग्णालयात
लता मंगेशकर यांची प्रकृती गेल्या महिन्याभरापासून ढासळत आहे. 8 जानेवारीला लता मंगेशकर कोविड पॉझिटिव्ह आढळल्या. खबरदारी घेत लतादीदींना मुंबईतील ब्रीच कँडी रुग्णालयात दाखल करण्यात आलं. लतादीदींचं वय पाहता डॉक्टरांनी त्यांना आयसीयूमध्ये ठेवलं आहे. दरम्यान, लता मंगेशकर यांचे कुटुंबीय आणि डॉक्टर त्यांच्या प्रकृतीबाबत सातत्याने अपडेट्स देत आहेत.
लतादीदींबद्दल फेक न्यूज
काही काळापूर्वी लता मंगेशकर यांच्या कुटुंबीयांनी त्यांना गोपनीयतेची गरज असल्याचं सांगितलं होतं. या कठीण काळात लतादीदींच्या प्रकृतीचे अपडेट्स दररोज देणं कुटुंबीयांना शक्य नाही. तसे, लता मंगेशकर यांच्याबद्दलही अनेक खोट्या बातम्या येत आहेत, ज्यांच्याकडं कुटुंबीय आणि सेलिब्रिटींनी चाहत्यांना दुर्लक्ष करण्याचा सल्ला दिला होता.
न्यूज अनकट प्रतिनिधी: ईश्वर वाघमारे
