CSK Vs LSG IPL 2022, 1 एप्रिल 2022: इंडियन प्रीमियर लीग (IPL) 2022 मध्ये, गुरुवारी चेन्नई सुपर किंग्स (CSK) आणि लखनऊ सुपर जायंट्स (LSG) यांच्यात एक रोमांचक सामना खेळला गेला. प्रथम फलंदाजी करताना चेन्नईने 210 धावांची डोंगराएवढी धावसंख्या उभारली. पण लखनौ सुपर जायंट्सच्या धडाकेबाज फलंदाजीसमोर हे लक्ष लहान ठरलं.
अखेरच्या षटकात लखनौच्या धडाक्याच्या जोरावर संघाने 6 गडी राखून विजय मिळवला. इंडियन प्रीमियर लीगच्या इतिहासातील लखनौ सुपर जायंट्सचा हा पहिलाच विजय आहे, जो संस्मरणीय ठरला आहे. लखनौ संघाने 211 धावांचे लक्ष्य 19.3 षटकात पूर्ण केले.
शेवटच्या दोन षटकात बदलला संपूर्ण सामना
लखनौ सुपर जायंट्स संघाला शेवटच्या दोन षटकात 34 धावांची गरज होती. जेव्हा चेन्नई सुपर किंग्जने शिवम दुबेकडे चेंडू सोपवला. पण त्याच्या पहिल्याच चेंडूवर आयुष बडोनीने षटकार ठोकला, त्यानंतर सामना पूर्णपणे अडकला. अशा वेळी २२ वर्षीय आयुष बडोनीने लखनौचे नशीब बदलले.
19 वे षटक टाकायला आलेल्या शिवम दुबेची चूक चेन्नईला चांगलीच महागात पडली. शिवम दुबेच्या बाजूने एकूण 25 धावा झाल्या, त्यानंतर चेन्नईचे पुनरागमन कठीण झाले. शेवटच्या षटकात लखनौला फक्त 9 धावांची गरज होती. जे मिळवणे अजिबात अवघड नव्हते.
लखनौ सुपर जायंट्सची सुरुवात चांगली झाली. क्विंटन डी कॉकने 61 धावा केल्या, तर कर्णधार केएल राहुलने 40 धावा केल्या. पण अखेरीस एविन लुईसने अवघ्या 23 चेंडूत 55 धावा करून चेन्नई सुपर किंग्जकडून सामना हिसकावून घेतला.
चेन्नई सुपर किंग्जवर धावांचा पाऊस
चेन्नई सुपर किंग्जकडून सलामीला आलेल्या रॉबिन उथप्पाने तुफानी खेळी केली. उथप्पाने अवघ्या 25 चेंडूत अर्धशतक ठोकून संघाला बळ दिले. या सामन्यात ऋतुराज गायकवाड पुन्हा अपयशी ठरला आणि त्याला केवळ एक धाव करता आली. या मोसमात पहिल्यांदा खेळताना मोईन अलीने 35 धावा केल्या.
शिवम दुबेनेही चेन्नईकडून 49 धावांची तुफानी इनिंग खेळली. शेवटी महेंद्रसिंग धोनीने अवघ्या 6 चेंडूत 16 धावा करत संघाला 210 धावांपर्यंत मजल मारली. एवढ्या मोठ्या धावसंख्येनंतरही चेन्नई सुपर किंग्जला विजय मिळवता आला नाही आणि आयपीएल 2022 मधील त्यांचा हा सलग दुसरा पराभव ठरला.
न्यूज अनकट प्रतिनिधी: ईश्वर वाघमारे
