मुंबईत मोठा अपघात; बाराजण जखमी तर पाचजणांचा मृत्यु

मुंबई, ५ ऑक्टोबर २०२२: वांद्रे-वरळी सी लिंकवर आज पहाटे भीषण अपघात झाला आहे. या अपघातात पाचजणांचा जागीच मृत्यु झाला,तर बाराजण जखमी झाले आहेत. वांद्रेहून वरळीच्या दिशेने जाणाऱ्या मार्गावर आज पहाटे तीनच्या सुमारास हा अपघात झाला आहे.

या मार्गावर गाडी थांबवू शकत नाही, तरीही काही गाड्या पहाटे थांबल्यामुळे एका मागून एक गाड्या आदळल्याने हा भीषण अपघात झाला. पुढील आणि मधल्या गाडीचा चेंदामेंदा झाल्याने पाच जणांचा अडकून जागीच मृत्यु झाला आहे. तर बाराजण जखमी झाले आहेत.

हा अपघात महामार्गा वरील सीसीटीव्ही मध्येही कैद झाला आहे. दसरा मेळाव्यासाठी राज्यभरातून शिवसैनिक येनार असल्याने पोलिसांचा मोठा फोजफाटा तैनात करण्यात आला होता. अपघाताची माहिती मिळताच स्थानिक पोलिस घटनास्थळी दाखल झाले होते.

ताबडतोब जखमींना उपचारासाठी रुग्णाल्यात दाखल करण्यात आले. स्थानिक नागरिकांनी बाकीच्या लोकांची सुखरुप सुटका केली.

न्युज अनकट प्रतिनिधी: अमोल बारवकर