मारुती सुझुकीला जूनच्या तिमाहीत ४४० कोटी रुपयांचा नफा, मिळकतही ४ पट वाढली

मुंबई, २९ जुलै २०२१: ऑटो कंपनी मारुती सुझुकीने बुधवारी तिमाही निकाल जाहीर केला.  कंपनीला ३० जून रोजी समाप्त झालेल्या तिमाहीत ४४० कोटी रुपयांचा नफा झाला आहे जो मार्चच्या तिमाहीत १,१६६ कोटी रुपये होता. त्याच वेळी वर्षापूर्वी याच तिमाहीमध्ये कंपनीला २४९ कोटी रुपयांचं नुकसान झालं होतं. वर्षाकाठी कंपनीचे उत्पन्न ४ पटीने वाढून १७,७७०.७ कोटी रुपये झाले, जे ४,१०६.५ कोटी रुपये होते.

 खर्च कमी करण्यावर कंपनीचे लक्ष

मारुती सुझुकीने सांगितलं की, धातूच्या किंमतीत वाढ असूनही कंपनी खर्च कमी करण्याचा प्रयत्न करीत आहे.  साथीच्या रोगामुळं कंपनीच्या कार विक्रीवर आणि उत्पादनावर मोठा परिणाम झाला आहे.

 कंपनीने तीन महिन्यांत साडेतीन लाखाहून अधिक वाहने विकली

  जूनच्या तिमाहीत ऑटो कंपनीने एकूण ३ लाख ५३ हजार ६१४ वाहनांची विक्री केली.  यामध्ये देशांतर्गत बाजारात ३ लाख ८ हजार ९५ वाहने विकली गेली, तर ४५ हजार ५१९ वाहनांची निर्यात झाली.  २०२०-२१ च्या पहिल्या तिमाहीत कंपनीने एकूण ७६ हजार ५९९ वाहने विकली.

 मिनी + कॉम्पॅक्ट विभागातील स्थानिक बाजारात जूनच्या तिमाहीत कंपनीने सर्वाधिक २ लाख ८ हजार ७५० वाहनांची विक्री केली, जी एकूण विक्रीच्या ६७.८% आहे.  व्हॉल्यूमच्या बाबतीत कंपनीने एप्रिल ते जून या कालावधीत एकूण १६,७९८ कोटी रुपयांची विक्री केली होती, तर मागील वर्षी ती ३,६७७ कोटी रुपये होती.

न्यूज अनकट प्रतिनिधी: ईश्वर वाघमारे