आमदार म्हणाले तर युती सोडण्यास तयार – संजय राऊत

मुंबई, 24 जून 2022: शिवसेनेचे राज्यसभा खासदार संजय राऊत यांनी आमदारांची इच्छा असेल तर शिवसेना महाविकास आघाडीला सोडचिठ्ठी देण्यास तयार असल्याचं विधान करून सर्वांनाच चकित केलं. राऊत यांच्या वक्तव्यानंतर लगेचच या मुद्द्यावर पक्ष आपली रणनीती बदलणार असल्याचे विधान काँग्रेसकडून आलं.

मात्र, आतापर्यंत ते एमव्हीए आघाडीसोबत आहेत. महाराष्ट्र काँग्रेसचे अध्यक्ष नाना पटोले म्हणाले की, राऊत यांचे वक्तव्य शिवसेनेच्या रणनीतीचा भाग आहे. त्यांना कसे तरी बंडखोर आमदारांना मुंबईत परत आणायचे आहे.

राऊत यांच्या वक्तव्यावर शरद पवार यांचे प्रत्युत्तर

राऊत यांच्या वक्तव्यानंतरही MVA अजूनही उद्धव सरकारच्या पाठीशी असल्याचे राष्ट्रवादीच्या वतीने सांगण्यात आलं. या मुद्द्यावर शरद पवार यांनी पत्रकार परिषद घेऊन पक्षाची बाजू मांडली. बंडखोर आमदारांना बंडखोरीचे परिणाम भोगावे लागतील, असा इशारा त्यांनी दिला.

न्यूज अनकट प्रतिनिधी: ईश्वर वाघमारे