मुकेश अंबानी खरेदी करणार 74 अब्ज रुपयांचे रोबोट, करणार हे काम

नवी दिल्ली, 22 फेब्रुवारी 2022: मुकेश अंबानींची कंपनी रिलायन्स इंडस्ट्रीजने अलीकडेच Adverb Technologies ला 1 अब्ज डॉलर्स (सुमारे 74 अब्ज रुपये) ऑर्डर केले आहेत. ही ऑर्डर 5G तंत्रज्ञानाने सुसज्ज असलेल्या रोबोट्ससाठी आहे. जामनगर रिफायनरीमध्ये त्यांचा वापर करण्याची रिलायन्सची योजना आहे.

अलीकडेच रिलायन्सने विकत घेतली हिस्सेदारी

रिलायन्स इंडस्ट्रीजने अलीकडेच रोबोटिक्स स्टार्टअप Addverb Technologies मध्ये 54 टक्के हिस्सा विकत घेतला आहे. रिलायन्स इंडस्ट्रीजच्या रिटेल युनिट रिलायन्स रिटेल व्हेंचर्स लिमिटेडच्या माध्यमातून हा करार करण्यात आला होता. रिलायन्स रिटेलने हा करार $132 दशलक्ष म्हणजे सुमारे 985 कोटी रुपयांना केला.

रिलायन्स 5G शी संबंधित प्रयोगही करणार

रिपोर्ट्सनुसार, रिलायन्स इंडस्ट्रीज या रोबोट्सच्या माध्यमातून 5G शी संबंधित प्रयोगही करणार आहे. Addverb Technologies चे Dynamo 200 रोबोट्स आधीपासून जामनगर रिफायनरीत इंट्रा-लॉजिस्टिक ऑपरेशन्समध्ये वापरले जात आहेत. हे सर्व रोबो 5G ने जोडलेले आहेत आणि ते अहमदाबाद येथील रिमोट सर्व्हरवरून नियंत्रित केले जातात. यासाठी Addverb Technologies चे Fleet Management System Legion वापरले जाते. याशिवाय, बॅगिंग लाइन ऑटोमेशनमध्ये 1 टन पेलोड क्षमतेचे डायनॅमो रोबोट वापरले जात आहेत.

Addverb Technologies च्या आहेत या योजना

रिलायन्स इंडस्ट्रीजने स्टेक खरेदी केल्यानंतर, स्टार्टअप कंपनीने सांगितले होते की हा करार अमेरिका आणि युरोपमधील बाजारपेठेत प्रवेश करण्यास मदत करणार आहे. यासोबतच रिलायन्स इंडस्ट्रीजकडून मिळालेल्या पैशातून त्याच ठिकाणी मोठा रोबोटिक्स मॅन्युफॅक्चरिंग प्लांट उभारण्यासाठी संसाधनेही मिळतील. रुग्णालये आणि विमानतळांवर रोबोट तैनात करण्याच्या योजनेवर कंपनी काम करत आहे. या करारामुळे त्याला वेग येण्याची शक्यता आहे.

Addverb Technologiesचा प्लांट नोएडामध्ये

रिलायन्स इंडस्ट्रीजने शेअर्स खरेदी केल्यानंतर, Addverb Technologiesचे मूल्यांकन 265 ते 270 दशलक्ष डॉलर्स (सुमारे 2000 कोटी) पर्यंत पोहोचले आहे. कंपनी सध्या आपल्या नोएडा प्लांटमध्ये दरवर्षी सुमारे 10 हजार रोबोट बनवत आहे. Addverb Technologies आधीच रिलायन्स रिटेलला उपाय देत आहे. आता रिलायन्सच्या विविध उपक्रमांमध्ये Addverb Technologies चे रोबोट्स मोठ्या प्रमाणावर वापरले जाणार आहेत.

न्यूज अनकट प्रतिनिधी: ईश्वर वाघमारे